អន្តរជាតិ

អ្នកស្លាប់ការអំពើហឹង្សាបំផ្ទុះគ្រាប់បែកនៅអង់គ្លេសកើនដល់២២នាក់

លោក ឌិត សុខធី
| ២៣ ឧសភា ២០១៧
ម៉ោង ១៤:២៥

ប៉ូលិសអង់គ្លេសបាននិយាយថា មនុស្សដល់ទៅ ២២នាក់ ក្នុងនោះមានក្មេងផងដែរ ត្រូវបានបញ្ជាក់ថា ស្លាប់ ខណៈមនុស្ស ៥៩នាក់ទៀត បានរងរបួស ក្រោយពីការបំផ្ទុះគ្រាប់បែកមួយ នៅឯ Manchester Arena នៅយប់មិញនេះ ជាទីដែលតារាចម្រៀងអាមេរិក Ariana Grande កំពុងសម្ដែងនៅទីនោះ។ នេះដោយការផ្សាយរបស់ទីភ្នាក់ងារព័ត៌មាន Reuters។

ប៉ូលិសទីក្រុងមេនឆែស្ទ័រ បាននិយាយនៅឯសន្និសីទសារព័ត៌មាននៅថ្ងៃនេះថា ពួកគេជឿថា ការវាយប្រហារនោះត្រូវបានធ្វើឡើងដោយបុរសម្នាក់ ហើយបុរសនោះបានស្លាប់នៅទីនោះហើយ។ ជនវាយប្រហារនោះ បានកាន់ឧបករណ៍បង្កប់ទៅដោយគ្រឿងផ្ទុះមួយ ដែលគេបានចុះបំផ្ទុះ។

មេប៉ូលិសទីក្រុងមេនឆែស្ទ័រ លោក Ian Hopkins បាននិយាយថា អាទិភាពសំខាន់ គឺត្រូវរកឲ្យឃើញថា តើជននោះធ្វើសកម្មភាពតែម្នាក់ឯង ឬក៏មានបណ្ដាញ។ ប៉ូលិសបានចាត់ទុកអំពើហឹង្សានេះគឺជាការវាយប្រហារដ៏ឃោឃៅបំផុតដែលទីក្រុងនេះបានជួបប្រទះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។