ក្រសួងមហាផ្ទៃអង់គ្លេសស្វែងរកអ្នកពាក់ព័ន្ធវាយប្រហារនៅ Manchester

ក្រសួងមហាផ្ទៃរបស់អង់គ្លេសអះអាងថា ការវាយប្រហារគ្រាប់បែកអត្តឃាត នៅ Manchester Arena កាលពីថ្ងៃចន្ទ ដែលបណ្តាលឲ្យមនុស្ស២២ស្លាប់នោះ មិនមែនធ្វើឡើងដោយម្នាក់ឯងនោះទេ ហើយពេលសមត្ថកិច្ចកំពុងស្វែងរកអ្នកពាក់ព័ន្ធផ្សេងៗទៀត។​

មន្ត្រីក្រសួងមហាផ្ទៃ បានបញ្ជាក់ថា អ្នកវាយប្រហារមានការរៀបគ្នាជាប្រព័ន្ធ ហើយអាចមានការវាយប្រហារនៅតំបន់ផ្សេងៗទៀត។ ពេលនេះ សមត្ថកិច្ចអង់គ្លេសកំពុងបង្ការ និង ស្វែងរកអ្នកពាក់ព័ន្ធក្នុងការវាយប្រហារទាំងនោះ។​

រដ្ឋមន្ត្រីក្រសួងមហាផ្ទៃលោក ​Amber Rudd ថ្លែងប្រាប់សារព័ត៌មាន BBC ថា លទ្ធភាពនៃការបំផ្ទុះគ្រាប់បែកនោះ មានអ្នកផ្សេងទៀត ដែលចុចឲ្យផ្ទុះយុវជនដែលគេសង្ស័យថា អ្នកអោបគ្រាប់បែកអត្តឃាតឈ្មោះ Salman Abedi អាយុ២២ឆ្នាំ៕