មេបញ្ជាការកងទ័ពរបស់ហ្វីលីពីនអះអាងនៅថ្ងៃសុក្រនេះថា ជនបរទេសផ្សេងរួមទាំងជនជាតិ ឥណ្ឌូនេស៊ី និង ម៉ាឡេស៊ីផងកំពុងធ្វើសកម្មភាពជាមួយក្រុម IS ហើយបើកការវាយប្រហារជាមួយ កម្លាំងទាហានហ្វីលីពីននៅក្នុងទីក្រុង Marawi នៅកោះមីនដាណាវ។
មេបញ្ជាការកងទ័ពហ្វីលីពីនលោក Jose Calida ថ្លែងក្នុងសន្និសីទសារព័ត៌មាននៅថ្ងៃសុក្រនេះថា ជនជាតិម៉ាឡេស៊ី និង ឥណ្ឌូនេស៊ី ស្ថិតនៅក្នុងចំណោមជនបរទេសផ្សេងទៀតដែលកាន់សាសនាឥស្លាមនិកាយជីហាត កំពុងចូលរួមជាមួយក្រុម Mauteមានទំនាក់ទំនងជាមួយពួករដ្ឋឥស្លាមបើកការវាយប្រហារនៅភាគខាងត្បូង។
ទីក្រុង Marawi នៅភាគខាងត្បូងរបស់ហ្វីលីពីនត្រូវបានពួកIS វាយប្រហារហើយចាប់មនុស្សមួយចំនួនធ្វើជំណាត់ខ្មាំង។ ក្នុងចំណោមចំណាត់ខ្មាំងនោះនគរបាលម្នាក់ត្រូវបានសម្លាប់ដោយកាត់ក្បាល ហើយបីនាក់ទៀតស្លាប់ដោយមិនដឹងពីវិធីសាស្ត្រនៃការសម្លាប់ទេ។
ប្រធានាធិបតីហ្វីលីពីន ប្រកាសរៀបចំដាក់ប្រទេសនៅក្នុងច្បាប់សឹក ដើម្បីរៀបចំការធ្វើសង្គ្រាមជាមួយពួកក្រុមភេរវកម្មទាំងនោះ។ លោក ឌូទើតេ បញ្ជាក់ថា ហ្វីលីពីន កំពុងត្រូវការសព្វាវុធទំនើបៗមួយចំនួនទៀតយកធ្វើសង្គ្រាម។
ប្រទេសហ្វីលីពីន ម៉ាឡេស៊ី និង ឥណ្ឌូនេស៊ី ធ្លាប់បានបង្កើតគណៈកម្មាធិការរួមមួយដើម្បីរួមគ្នាទប់ស្កាត់សកម្មភាពរាលដាល និង បោសសម្អាតពួករដ្ឋឥស្លាម៕
