ការបំផ្ទុះគ្រាប់បែកដ៏ធំមួយ បានវាយប្រហារកក្រើកតំបន់កាទូតនៅទីក្រុងកាប៊ុល អំឡុងពេលវេលាដ៏មមាញឹកនៅព្រឹកថ្ងៃនេះ ដែលជាការវាយប្រហារថ្មីបំផុតទៅលើរដ្ឋធានីរបស់ប្រទេសអាហ្វហ្កានីស្ថាន។ នេះដោយយោងតាមការចុះផ្សាយរបស់ AFP។
ក្រុមមន្ត្រីអាហ្វហ្កានីស្ថាន បាននិយាយថា យ៉ាងហោចណាស់មនុស្ស ៦៤នាក់ ត្រូវបានសម្លាប់ ឬក៏រងរបួសនៅក្នុងអំពើហឹង្សាបំផ្ទុះគ្រាប់បែកអត្តឃាតនៅក្នុងរថយន្តមួយ។
គេអាចមើលឃើញដុំផ្សែងដ៏ធំមហិមាផ្ទុះចេញពីតំបន់នោះ ប៉ុន្តែ គេពុំទាន់ដឹងច្បាស់ទេថា ការវាយប្រហារនោះសំដៅទៅលើអ្វី ហើយក៏មិនទាន់មានរបាយការណ៍បញ្ជាក់ពីមហន្តរាយនៅឡើយទេភ្លាមៗនោះ៕