ចិនអំពាវនាវជាថ្មីឲ្យអាមេរិកដកខែលការពារមីស៊ីលចេញពីកូរ៉េខាងត្បូង​

ចិនបានរំឮកជាថ្មី​ទៀតនៅថ្ងៃព្រហស្បតិ៍នេះ ឲ្យសហរដ្ឋអាមេរិកដកខែលការពារមីស៊ីលចេញពីកូរ៉េខាងត្បូង ព្រោះចិនអះអាងថា មិនមានហេតុផលនៃការដាក់ឧបករណ៍នេះទេ។​

អ្នកនាំពាក្យក្រសួងការបរទេសរបស់ចិន លោកស្រី Hua Chunying ថ្លែងនៅក្នុងសន្និសីទនៅថ្ងៃព្រហស្បតិ៍នេះ ដោយទាមទារឲ្យសហរដ្ឋអាមេរិក​យកឧបករណ៍ការពារការបាញ់មីស៊ីលចេញពីកូរ៉េខាងត្បូង។ នេះបើតាមទីភ្នាក់ងារសារព័ត៌មានរ៉យទ័រ។​

សហរដ្ឋអាមេរិកដំឡើងឧបករណ៍ការពារមីស៊ីល នៅកូរ៉េខាងត្បូង ជាប្រទេសសម្ព័ន្ធមិត្តរបស់ខ្លួន ដើម្បីការពារការវាយប្រហារពីកូរ៉េខាងជើង។​ ចំពោះការដំឡើងឧបករណ៍នេះ​ត្រូវបានប្រឆាំងយ៉ាងខ្លាំងពីរដ្ឋអំណាចទីក្រុងប៉េកាំង ដោយបញ្ជាក់ថា ឧបករណ៍នោះ អាចលួចយកការសម្ងាត់កងទ័ពរបស់ចិនបាន៕