អាជ្ញាធរអាហ្គានីស្ថាន បានឲ្យដឹងថា មនុស្ស៩០នាក់បានស្លាប់ និង រាប់រយនាក់ផ្សេងទៀតរងរបួស កាលពីថ្ងៃពុធម្សិលមិញ ដោយសារ រថយន្តដឹកទំនិញមួយបានបើកចូលក្នុងហ្វូងមនុស្សច្រើន ហើយបានបំផ្ទុះគ្រាប់បែកឡើង ដែលការស្លាប់នេះសមត្ថកិច្ចពិនិត្យឃើញថា ទ្រង់ទ្រាយធំដូចកាលពីឆ្នាំ២០០១។
ការបំផ្ទុះនេះ មានសំឡេងខ្លាំង និង មានផ្សែងអាប់អួរកើតឡើង នៅតំបន់ដែលមានផ្ទះអ្នកការទូតបរទេសកំពុងរស់នៅ។ មិនទាន់មានក្រុមណាមួយអះអាងថា ជាអ្នករៀបចំការវាយប្រហារជាទ្រង់ទ្រាយធំនេះនៅឡើយទេ។ នេះបើតាមទីភ្នាក់ងារព័ត៌មាន AFP។
ក្រុមជួយសង្គ្រោះបានចំណាយពេលរាប់ម៉ោង ដើម្បីជញ្ជូនសាកសពចេញពីកន្លែងកើតហេតុ ខ្លួនប្រាណរបស់ពួកគេពោរពេញទៅដោយឈាម និង កំពុងបន្តស្វែងរកអ្នកបាត់ខ្លួនមួយចំនួនទៀត។
ប្រធានាធិបតីអាហ្គានីស្ថាន Ashraf Ghani បានថ្កោលទោស ហើយការវាយប្រហារនោះថា បង្កឡើងដោយពួកតាលីបង់ ដែលចាប់ផ្តើមវាយប្រហារតាំងពីឆ្នាំ២០០១មកថា ជាឧក្រិដ្ឋកម្មសង្គ្រាម៕