អ្នកដំណើរតាមយន្តហោះម៉ាឡេស៊ីតាមជើងហោះហើរ MH128 ចេញពីទីក្រុងមែលប៊ន អូស្ត្រាលី ទៅទីក្រុងកូឡាឡាំពួ របស់ម៉ាឡេស៊ីរី បានភ័យស្លន់ស្លោរ ហើយនាំគ្នាចាប់បុរសម្នាក់ដែលមានលក្ខណៈស្រវឹងហើយព្យាយាមវាយទម្លុះយន្តហោះ។
តាមការចុះផ្សាយរបស់សាព័ត៌មាន Channel News Asia ឲ្យដឹងថា ហេតុការណ៍នោះកើតឡើងកាលពីថ្ងៃពុធម្សិលមិញ។ អ្នកធ្វើដំណើរជាជនជាតិ ប៉ាគីស្ថានឈ្មោះ Arif Chaudhery ថ្លែងប្រាប់អ្នកសារព័ត៌មានថា ដំបូងឡើយឮសំឡេង អ្នកបម្រើការលើយន្តហោះម្នាក់ស្រែកថា ជួយ! ជួយ!។ បន្ទាប់មកទើបមានការភ្ញាក់ផ្អើល ហើយអ្នកធ្វើដំណើរនិងសន្តិសុខលើយន្តហោះនាំគ្នាចាប់ខ្លួនបុរសរូបនោះសង្កត់ទៅនឹងកំរាល។
អ្នកដំណើរបាននាំគ្នាជួយរារាំងមិនឲ្យបុរសនោះទៅរំខានការងារនៅក្បាលយន្តហោះ។ បុរសដែលស្រវឹងនោះត្រូវបានគេស្គាល់ថា មានសញ្ជាតិស្រីលង្កា។
ឧបនាយករដ្ឋមន្ត្រីទទួលបន្ទុកការងារដឹកជញ្ជូនលោក Abdul Aziz Kaprawi ថ្លែងថា បុរសដែលស្រវឹងនោះព្យាយាមវាយកន្លែងផ្ទុកថាមពល ប៉ុន្តែមិនបានបណ្តាលឲ្យផ្ទុះនោះទេ៕