រដ្ឋមន្ត្រីក្រសួងមហាផ្ទៃរបស់សិង្ហបុរី បង្ហាញរបាយការណ៍នៅថ្ងៃព្រហស្បតិ៍នេះថា ប្រទេសនេះរងការគំរាមកំហែងដល់កម្រិតខ្ពស់បំផុតដោយពួកក្រុម IS អ្នកកាន់សាសនាឥស្លាមនិកាយជីហាតនិយមតឹង ដែលកំពុងធ្វើសកម្មភាពខ្លាំងនៅប្រទេស៊ីរីនិងនៅអ៊ីរ៉ាក់។
របាយការណ៍វាយតម្លៃពីការគំរាមកំហែងនៃអំពើភេរវកម្មរបស់សិង្ហបុរីនៅឆ្នាំ២០១៧ បានបង្ហាញថា នេះជាប្រភេទភេរវកម្មរបស់ពួកក្រុម IS ដែលបង្កគ្រោះថ្នាក់ខ្លាំងដល់សន្តិសុខរបស់សិង្ហបុរី។ ចំណែករដ្ឋត្រូវពង្រើនប្រព័ន្ធការពារសុវត្ថិភាពកាន់តែខ្លាំង។ នេះបើតាមសារព័ត៌មាន Channel News Asia។
នៅក្នុងតំបន់អាស៊ានផ្ទុះការគំរាមកំហេងដោយពួក IS ខ្លាំងតាំងពីខែមករាឆ្នាំ២០១៦មក គឺមានការវាយប្រហារដោយគ្រាប់បែកដៃ នៅឥណ្ឌូនេស៊ី ការវាយប្រហារនៅកូឡាឡាំពួ ប្រទេសម៉ាឡេស៊ី នៅខែមិថុនា ដដែលនោះ។ បន្ទាប់មកក៏មានការបាញ់ប្រហារ បំផ្ទុះគ្រាប់បែកជាបន្តបន្ទាប់។ បច្ចុប្បន្ននៅភាគខាងត្បូងរបស់ហ្វីលីពីន មានការវាយប្រហារខ្លាំងពីពួករដ្ឋឥស្លាមនេះ ដែលប៉ុនប៉ងកាប់ក្រុងម៉ារ៉វីផង៕
