ត្រាំ ចុះហត្ថលេខាពាណិជ្ជកម្មជាង៥ពាន់លានដុល្លារជាមួយវៀតណាម

ប្រធានាធិបតីសហរដ្ឋអាមេរិក បានចុះហត្ថលេខាទំនាក់ទំនងពាណិជ្ជកម្មជាមួយ វៀតណាម ក្នុងទឹកប្រាក់​៥,៥៨ពាន់លានដុល្លារ ដោយផ្តោតលើផ្នែក ថាមពល ការបង្កើតម៉ាស៊ីនយន្តហោះ និង ផ្នែកសេវាកម្ម ដែលនេះជាកិច្ចព្រំព្រៀងធំមួយមិនធ្លាប់មានរបស់ប្រទេសទាំងពីរ។​

ប្រធានាធិបតីអាមេរិកលោក ដូណល ត្រាំ បានពិភាក្សាពីការធ្វើពាណិជ្ជកម្មជាមួយនាយករដ្ឋមន្ត្រីវៀតណាម​លោក​ Nguyen Xuan Phuc នៅសេតវិមានកាលពីថ្ងៃពុធម្សិលមិញ បន្ទាប់មកក៏មានការចុះហត្ថលេខាលើកិច្ចព្រមព្រៀងពាណិជ្ជកម្មលើទឹកប្រាក់ខ្ទង់ពាន់លានដុល្លារនេះ។​ នេះបើតាមទីភ្នាក់ងារព័ត៌មានរ៉យទ័រ។​

លោក ត្រាំថ្លែងថា លោកបានធ្វើការសម្រេចចិត្តដ៏ធំមួយសម្រាប់អាមេរិក ហើយលោកពេញចិត្តក្នុងការដាក់ចេញលុយខ្ទង់ពាន់លានដុល្លារនេះ ដែលមានន័យថា បង្កើតការងារយ៉ាងច្រើនដល់អាមេរិក និង បង្កើតសម្ភារល្អជាច្រើនឲ្យវៀតណាម។​

លោក​ Nguyen Xuan Phuc​ ថ្លែងថា ក្នុងដំណើរទស្សនកិច្ចរបស់លោកទៅអាមេរិកនេះគឺ ផ្តោតសំខាន់លើការពង្រឹងបច្ចេកវិទ្យា និង ផ្នែកសេវាផ្សេងៗ។

អាមេរិកនិង វៀតណាមគឺជាគូសត្រូវនៃការធ្វើសង្គ្រាមពេលសង្គ្រាមត្រជាក់ ប៉ុន្តែប្រទេសទាំងពីរបានប្រែទៅជាមិត្តឬ ជាដៃគូយុទ្ធសាស្ត្រ ដោយសារតែបារម្ភពីការរីកចម្រើនរបស់ចិន គំរាមកំហែងដល់សន្តិសុខ និង ផលប្រយោជន៍របស់ពួកគេ៕