រដ្ឋាភិបាលសិង្ហបុរីនៅថ្ងៃសុក្រនេះបានបញ្ជាក់ថា ខ្លួនប្តេជ្ញាអនុវត្តន៍កិច្ចព្រមព្រៀងទីក្រុងបារីសផ្តោតលើការជួយបរិស្ថានដោយកាត់បន្ថយការបញ្ចេញឧស្ម័នពុលពីវិស័យឧស្សាហកម្ម ការអះអាងនេះក្រោយភ្លាមៗដែលប្រធានាធិបតីអាមេរិក លោក ដូណល ត្រាំ ប្រកាសដកខ្លួនចេញពីកិច្ចព្រមព្រៀង។
ក្នុងសេចក្តីថ្លែងការណ៍របស់អគ្គលេខាធិការជាតិផ្នែកប្រែប្រួលអាកាសធាតុ លើកឡើងថា សិង្ហបុរីជាប្រទេសលើកោះមួយនេះ កំពុងរងគ្រោះដោយសារការប្រែប្រួលអាកាសធាតុ ដែលកើតចេញផលប្រយោជន៍របស់ប្រទេសដទៃ។ នេះបើតាមសារព័ត៌មាន Channel News Asia។
សេចក្តីថ្លែងការណ៍ ប្រទេសសិង្ហបុរី គាំទ្ររាល់ការបង្កើតប្រព័ន្ធចម្រុះ និងដំណោះស្រាយផ្នែកការទូត ដើម្បីដោះស្រាយដែលពិភពលោកកំពុងជួបប្រទះនេះ។
សិង្ហបុរីបញ្ជាក់ទៀតថា ប្រទេសនេះ នៅតែបន្តលះបង់ ដើម្បីដោះស្រាយបញ្ហានៃការប្រែប្រួលអាកាសធាតុ តាមកម្មវិធីផ្សេងៗ រួមទាំងកិច្ចព្រមព្រៀងទីក្រុងបារីស។
សិង្ហបុរីគឺជាប្រទេសដែលមានការប្តេជ្ញាខ្ពស់ ក្នុងការកាត់បន្ថយឧស្ម័នពុលឲ្យបាន៣៦ភាគរយ គិតចាប់ពីឆ្នាំ២០០៥ដល់ ឆ្នាំ២០៣០៕