ពលរដ្ឋរាប់សិបនាក់ បានរាយការណ៍មកថា ពួកគេត្រូវបានសមត្ថកិច្ចដែលការពារការិយាល័យបោះឆ្នោត បណ្តេញចេញមិនឲ្យនៅរង់ចាំមើលការរាប់សន្លឹកឆ្នោតនោះទេ។
ការិយាល័យបោះឆ្នោតទាំងនោះមាន សាលាបឋមសិក្សា បឹងឈូក ក្នុងសង្កាត់និរោធន៍ខណ្ឌច្បាអំពៅ សាលាបាក់ទូក និងនៅក្នុងសង្កាត់ព្រែកលៀប រួមទាំងការិយាល័យជាច្រើនទៀតនៅស្រុកកោះធំខេត្តកណ្តាល។
បើតាមពលរដ្ឋ ប៉ូលីសលើកឡើងថា មូលហេតុដែលមិនឲ្យពលរដ្ឋនៅមើលការរាប់សន្លឹកឆ្នោត ដោយថាអាចបង្ករឲ្យបញ្ហាអត់សណ្តាប់ធ្នាប់។
ប៉ុន្តែនៅពលរដ្ឋសួរនាំប៉ូលីសថា តើមានច្បាប់ណាហាមមិនឲ្យពលរដ្ឋរង់ចាំមើលការរាប់សន្លឹកឆ្នោត? ប៉ូលីសមិនបានបកស្រាយទេ។
តាមគោលការណ៍ណែនាំ ដែលបិទជញ្ជាំងការរល័យបោះឆ្នោត គជប បានអនុញ្ញាតឲ្យពលរដ្ឋឈរនៅចំងាយ១០ទៅ១៥ម៉ែត្រពីកន្លែងរាប់សន្លឹកឆ្នោត។