ប្រទេសអូស្ត្រាលីគ្រោងសាងសង់ពន្ធនាគារដំបូងរបស់ខ្លួន ក្នុងបំណងដាក់ពួកបះបោរដាច់ដោយឡែក និងបញ្ឈប់ពួកគេមិនឲ្យពង្រីកជំនឿជ្រុលនិយម តាមរយៈប្រព័ន្ធពន្ធនាគារ ដែលនេះគឺជាផ្នែកមួយនៃកិច្ចខិតខំប្រឹងប្រែងលុបបំបាត់ចលនាភេរវកម្ម។ នេះដោយយោងតាមការផ្សាយរបស់ AFP ដែលបានដកស្រង់សម្ដីមេដឹកនាំរដ្ឋ New South Wales នៅថ្ងៃនេះ។
មេដឹកនាំរដ្ឋមួយនេះ បាននិយាយថា បន្ទប់ពន្ធនាគារថ្មីនេះ នឹងអាចដាក់អ្នកទោសបាន ៥៤នាក់ ដែលត្រូវបានគេដាក់ឲ្យនៅដាច់ដោយឡែក និងស្ថិតក្រោមការតាមដានយ៉ាងតឹងតែង។
មនុស្ស ៣៣នាក់ ត្រូវបានចាប់ដាក់ពន្ធនាគារដោយសារតែបទល្មើសភេរវកម្ម នៅរដ្ឋមួយនេះ។
អូស្ត្រាលីបានជួបប្រទះនឹងការវាយប្រហារភេរវកម្មយកលំនាំតាមពួកឥស្លាមជ្រុលនិយម ដែលជំរុញឲ្យមានការសើរើឡើងវិញនូវយុទ្ធសាស្ត្ររបស់ប៉ូលិស និងអំណាចរដ្ឋ និងអាជ្ញាធរសហព័ន្ធ៕
