អន្តរជាតិ

ទីក្រុងហុងកុង និងឆ្នេរភាគខាងត្បូងចិនត្រៀមខ្លួនទទួលព្យុះទីហ្វុង

លោក ឌិត សុខធី
| ១៣ មិថុនា ២០១៧
ម៉ោង ០៩:១១

ព្យុះទីហ្វុង Merbok កំពុងតែបក់បោកសំដៅទៅរកទីក្រុងហុងកុង និងឆ្នេរភាគខាងត្បូងប្រទេសចិនកាលពីថ្ងៃម្សិលមិញនេះ ដោយនាំមកនូវខ្យល់បក់បោកយ៉ាងខ្លាំង ហើយទីក្រុងហុងកុង បានប្រកាសឲ្យមានការប្រុងប្រយ័ត្នខ្ពស់ចំពោះព្យុះនេះ។ នេះដោយយោងតាមការការចុះផ្សាយរបស់សារព័ត៌មាន Channel News Asia។

ទីផ្សារហិរញ្ញវត្ថុ សាលារៀន សកម្មភាពពាណិជ្ជកម្ម និងសេវារដ្ឋាភិបាលមិនសំខាន់ បានបិទទ្វារ នៅពេលអាជ្ញាធរបានប្រកាសអាសន្ន។ ប៉ុន្តែ សកម្មភាពពាណិជ្ជកម្ម និងទីផ្សារហិរញ្ញវត្ថុ មិនទទួលរងគ្រោះធ្ងន់ធ្ងរនោះឡើយនៅទីក្រុងហុងកុង ខណៈដែលកម្រិតប្រកាសអាសន្នត្រូវបានប្រកាសឲ្យប្រុងប្រយ័ត្ន។

ទោះជាយ៉ាងណា ក្រុមហ៊ុនអាកាសចរណ៍ហុងកុង Cathay Pacific បាននិយាយថា ព្យុះទីហ្វុង Merbok កំពុងប៉ះពាល់ដល់ជើងហោះហើររបស់ខ្លួន និងបានណែនាំទៅអ្នកដំណើរឲ្យត្រួតពិនិត្យស្ថានភាពជើងហោះហើររបស់ពួកគេ មុននឹងធ្វើដំណើរទៅព្រលានយន្តហោះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។