ភ្លើងឆេះអគារ២៧ជាន់នៅទីក្រុងឡុងដ៍មនុស្សជាច្រើនជាប់ក្នុងនោះ

ក្រុមអ្នកពន្លត់អគ្គីភ័យរបស់អង់គ្លេសនៅថ្ងៃពុធនេះ បានធ្វើសកម្មភាពពន្លត់ភ្លើងឆេះជាទ្រង់ទ្រាយធំនៅក្រុងតំបន់ភាគខាងលិចនៃទីក្រុងឡុងដ៍។​

រថយន្តពន្លត់អគ្គីភ័យនិងកម្លាំងប្រមាណ២០០នាក់ត្រូវបានបញ្ជូនទៅអន្តរាគមន៍ ជួយជីវិតមនុស្សដែលកំពុងជាប់គាំងនៅទីនោះ។​

សេចក្តីថ្លែងការណ៍របស់សមត្ថកិច្ចឲ្យដឹងថា ដំបូងឡើយភ្លើងចាប់ផ្តើមឆេះចេញពី ជាន់ទី២ ហើយរាលដាលទៅជាន់ផ្សេងៗទៀតយ៉ាងឆាប់រហ័យ។​ សមត្ថកិច្ចបញ្ជាក់ថា ភ្លើងចាប់ផ្តើមឆេះនៅម៉ោង ១និង១៦នាទីរំលងអធ្រាត្រ។​

សារព័ត៌មាន BBC ចុះផ្សាយថា ដំឡូងឡើយមានសំឡេងផ្ទុះធ្លាក់ បំណែកខ្លះនៃអគារចុះក្រោម ហើយបានរាលដាលឆេះ។​

សមត្ថកិច្ចបន្តជួយសង្គ្រោះ ចំណែកចំនួនអ្នកគ្រោះថ្នាក់ និង កើតឡើងដោយរបៀបណា ក្រុមណាមួយអ្នកប្រព្រឹត្តនោះ សមត្ថកិច្ចមិនទាន់បង្ហាញរបាយការណ៍នៅឡើយទេ៕