យន្តហោះចម្បាំងរបស់ម៉ាឡេស៊ី១គ្រឿងត្រូវបានរាយការណ៍ថា បានបាត់ការទាក់ទងនៅព្រឹកថ្ងៃព្រហស្បតិ៍នេះ ហើយគេជឿជាក់ថា បានបាត់នៅភាគខាងជើងនៃក្រុង Kuantan។
កងកម្លាំងរបស់ម៉ាឡេស៊ី បានចេញសេក្តីថ្លែងការណ៍នៅថ្ងៃព្រហស្បតិ៍នេះថា យន្តហោះចម្បាំងនោះបានបាត់ការទាក់ទងនៅម៉ោង១១និង ៣០នាទី ពេលបើកចេញពីមូលដ្ឋានទ័ពអាកាស Kuantan។ នេះបើតាមសារព័ត៌មាន Channel News Asia។
រដ្ឋមន្ត្រីក្រសួងការពារជាតិ Hishammuddin Hussein បានសរសេរលើបណ្តាញសង្គម Twitter សម្តែងការបារម្ភថា យន្តហោះនោះអាចធ្លាក់ ហើយលោកបានបួងសួងឲ្យអ្នកបើកបរនោះមានសុវត្ថិភាព។ ក្រុមជួយសង្គ្រោះបន្តស្វែងរកនៅទីតាំងដែលសង្ស័យថា បាត់នោះ៕