អ្នកបើកយន្តហោះយោធាម៉ាឡេស៊ីដែលបាត់ត្រូវបានរកឃើញថាស្លាប់​

ទីភ្នាក់ងារព័ត៌មានរបស់ម៉ាឡេស៊ី បានចុះផ្សាយថា អ្នកបើកយន្តហោះយោធាដែលបានបាត់ការទាក់ទងកាលពីម្សិលមិញ ត្រូវបានរកឃើញស្លាប់ហើយនៅព្រំប្រទល់ក្រុង​ Pahang និង Terengganu។​

ទីភ្នាក់ងារព័ត៌មាន​ Bernama ឲ្យដឹងថា អ្នកបើកយន្តហោះចម្បាំង Hawk 108 ចំនួន​២នាក់ ត្រូវបានរកឃើញថា ស្លាប់នៅរសៀលថ្ងៃព្រហស្បតិ៍ម្សិលមិញ ក្រោយពេល​បាត់ការទាក់ទងប្រមាណ​៣ម៉ោង​។​

យន្តហោះចម្បាំងនេះបើកចេញពីមូលដ្ឋានទ័ពអាកាស Kuantan ហើយបានបាត់ការទាក់ទងកាលពីម៉ោង​១១ និង ៣០នាទីម្សិលមិញ ។​

រដ្ឋមន្ត្រីក្រសួងការពារជាតិជាតិ​បានសរសេរនៅលើបណ្តាញទំនាក់ទំនងសង្គម​ Twiter ដោយសម្តែងការសោកស្តាយ និង បញ្ជាឲ្យមានការស៊ើបអង្កេតលើករណីនេះឲ្យបានច្បាស់លាស់៕