អន្តរជាតិ

នាវាពិឃាតអាមេរិកបុកគ្នានឹងនាវាដឹកកុងតឺន័រនៅសមុទ្រជប៉ុន បាត់ខ្លួនមនុស្ស៧នាក់

លោក ឌិត សុខធី
| ១៧ មិថុនា ២០១៧
ម៉ោង ០៨:៤១

នាវាពិឃាតនៃកងទ័ពជើងទឹកអាមេរិក បានបុកគ្នាជាមួយនាវាដឹកកុងតឺន័របំពាក់ទង់ជាតិហ្វីលីពីន នៅក្នុងដែនទឹកជប៉ុន នៅព្រឹកថ្ងៃនេះ ដោយបណ្ដាលឲ្យនាវិក ៧នាក់ កំពុងបាត់ខ្លួន។ នេះដោយយោងតាមសេចក្ដីរាយការណ៍របស់សារព័ត៌មាន Channel News Asia។

ឆ្មាំល្បាតសមុទ្រជប៉ុន និងកងទ័ពជើងទឹកអាមេរិក បាននិយាយថា ការបុកគ្នារវាងនាវាពិឃាតបំពាក់ទៅដោយមីស៊ីល និងនាវាផ្ទុកកុងតឺន័រនោះ បានកើតឡើងនៅភាគពាយ័ព្យនៃទីក្រុងយ៉ូកូស៊ូកា នៅម៉ោងប្រហែល ២ និង៣០នាទី ម៉ោងនៅប្រទេសជប៉ុននាព្រឹកថ្ងៃនេះ។

កងទ័ពជើងទឹកអាមេរិកក៏បាននិយាយផងដែរថា កងឆ្មាំល្បាតឆ្នេរសមុទ្រជប៉ុនកំពុងជួយសង្គ្រោះនាវិកម្នាក់តាមរយៈឧទ្ធម្ភាគចក្រ ដែលអាចបញ្ជាក់បានថា នាវិកម្នាក់នោះមានរបួសធ្ងន់ធ្ងរ ត្រូវការបញ្ជូនទៅព្យាបាលបន្ទាន់។

កងឆ្មាំល្បាតសមុទ្រជប៉ុន បាននិយាយថា ខ្លួនកំពុងតែស្វែងរកនាវិកដ៏ដទៃទៀតដែលកំពុងបាត់ខ្លួន ដោយផ្អែកតាមព័ត៌មានដែលពួកគេទទួលបានពីកងទ័ពជើងទឹកអាមេរិក៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។