ប្រធានាធិបតីអាមេរិក លោក ដូណាល់ ត្រាំ បានថ្លែងនៅថ្ងៃនេះថា កិច្ចខិតខំប្រឹងប្រែងរបស់ចិនក្នុងការបញ្ចុះបញ្ចូលកូរ៉េខាងជើងឲ្យបញ្ឈប់កម្មវិធីនុយក្លេអ៊ែររបស់រដ្ឋឯកោមួយ បានជួយបរាជ័យហើយ។ នេះដោយយោងតាមការផ្សាយរបស់ទីភ្នាក់ងារព័ត៌មាន Reuters។
Reuters បានផ្សាយបន្តថា នេះគឺជាការផ្លាស់ប្ដូរជំហររបស់លោក ត្រាំ ដែលថ្លែងបន្ទរទៅលើការស្លាប់នៃនិស្សិតអាមេរិកម្នាក់ ត្រូវបានក្រុងព្យុងយ៉ាងឃុំខ្លួន។
លោក ត្រាំ មានក្ដីសង្ឃឹមខ្ពស់ចំពោះកិច្ចសហការកាន់តែធំពីចិន ក្នុងការរក្សាឥទ្ធិពលទៅលើកូរ៉េខាងជើង ដោយលោក ត្រាំ ពឹងផ្អែកយ៉ាងខ្លាំងទៅលើប្រធានាធិបតីចិន លោក ស៊ី ជិនពីង។ មេដឹកនាំទាំងពីរ បានជួបគ្នានៅឯជំនួបកំពូលមួយនៅទីក្រុងផ្លរីដា កាលពីខែមេសា ហើយលោក ត្រាំ បានកោតសរសើរលោក ស៊ី ជាញឹកញាប់ និងបានវាយបកទៅលើការរិះគន់ការអនុវត្តពាណិជ្ជកម្មរបស់ចិន។
គេមិនច្បាស់ទេថា តើសម្ដីលោក ត្រាំ បង្ហាញពីការផ្លាស់ប្ដូរជំហររបស់លោកក្នុងការព្យាយាមបញ្ឈប់កម្មវិធីនុយក្លេអ៊ែររបស់កូរ៉េខាងជើង ឬក៏ការផ្លាស់ប្ដូរគោលនយោបាយអាមេរិកទៅរកចិន៕
