ប្រធានាធិបតីចិនលោក ស៊ី ជីនពីង បានទៅដល់ដែនដីហុងកុងនៅថ្ងៃព្រហស្បតិ៍នេះ ដើម្បីចូលរួមខួប២០ឆ្នាំ ដែលអតីតអាណានិគមន៍អង់គ្លេសប្រគល់ដែនដីនេះឲ្យចិនគ្រប់គ្រងវិញ ប៉ុន្តែប្រឈមមុខនិងការបែកបាក់សង្គមដោយសារពលរដ្ឋភាគច្រើនមិនពេញចិត្តទីក្រុងប៉េកាំងជ្រៀតជ្រែកចូលកិច្ចការផ្ទៃក្នុងរបស់ពួកគេ។
អង់គ្លេសបានប្រគល់ដែនដីហុងកុងទៅឲ្យចិនគ្រប់គ្រងវិញកាលពីថ្ងៃទី១ខែកក្កដាឆ្នាំ២០៩៧ ក្រោមលក្ខខណ្ឌប្រទេសមួយប្រព័ន្ធដឹកនាំពីរ គឺចិនត្រូវធានាឲ្យដែនដីនេះជា ដែនដីពាក់កណ្តាលស្វ័យយ័ត ប្រព័ន្ធយុត្តិធម៌ឯករាជ្យមិនស្ថិតនៅក្រោមអំណាចរបស់ចិននោះទេ។
រដ្ឋអំណាចទីក្រុងប៉េកាំងបានសន្យាថា នឹងរក្សាដែនដីហុងកុងឲ្យនៅក្នុងប្រពន្ធមូលធននិយម ដោយមិនមានការផ្លាស់ប្តូរទេ គឺមានរយៈពេល៥០ឆ្នាំ រហូតដល់២០៤៧ ប៉ុន្តែមិនបានបញ្ជាក់ថា ក្រោយមកទៀតដែនដីនេះនឹងត្រូវប្រែទៅជាយ៉ាងណានោះទេ។
លោក ស៊ី ថ្លែងនៅព្រលានយន្តហោះមុនពេលគ្រវីទង់ទៅកាន់ហ្វូងមនុស្សថា ហុងកុងស្ថិតក្នុងជម្រៅបេះដូងរបស់លោកជានិច្ច៕