ថ្ងៃខួប២០ឆ្នាំចិនទទួលដីហុងកុងពីអង់គ្លេសសកម្មជនជាច្រើនត្រូវចាប់ខ្លួន​

សកម្មជនទាមទារឲ្យមានការដឹកនាំតាមបែបប្រជាធិបតេយ្យនៅលើដែនដីហុងកុង ត្រូវបានចាប់ខ្លួន ខណៈពួកគេចេញមុខតវ៉ាទ្រង់ទ្រាយធំ នៅថ្ងៃរំឮកខួប២០ឆ្នាំដែលចិនទទួលការគ្រប់គ្រងដែនដីនេះពីចក្រភពអង់គ្លេស។​

នៅក្នុងពិធីរំឮកខួប២០ឆ្នាំនៃការទទួលបានដែនដីហុងកុងនេះ ក៏មានការចូលរួមផ្ទាល់ពីប្រធានាធិបតីចិនលោក ស៊ី ជីនពីង និងភរិយារបស់លោក​។ សមត្ថកិច្ចបញ្ជាក់ថា មានការដាក់កម្លាំងច្រើនហើយយាមកាមតឹងរឹងបំផុតក្នុងពិធីនេះ។​

ចំណែកសកម្មជនទាមទារសិទ្ធិសេរីភាពឲ្យមានការដឹកនាំតាមបែបប្រជាធិបតេយ្យនោះ បញ្ជាក់ថា ពួកគេរៀបចំតវ៉ាជាទ្រង់ទ្រាយធំ។​

តាមការចុះផ្សាយរបស់សារព័ត៌មាន BBC នៅថ្ងៃនេះគឺថា សកម្មជនជាច្រើននាក់ត្រូវបានចាប់ខ្លួន ក្នុងនោះរួមមានទាំងមេដឹកនាំចលនាយុវជន​ឈ្មោះ Joshua Wong ផងដែរ៕