សហរដ្ឋអាមេរិកជំរុញចិននៅថ្ងៃព្រហស្បតិ៍ម្សិលមិញ ឲ្យគោរពសិទ្ធិសេរីភាពជនស៊ីវិលនៅហុងកុង រួមសេរីភាពសារព័ត៌មាន ខណៈអាជ្ញាធរបានរៀបចំពិធីរំឮកខួប២០ឆ្នាំ ដែលចិនបានទទួលដែនដីនេះមកវិញ។
ក្រសួងការបរទេសអាមេរិកបានថ្លែងថា នេះគឺជាជោគជ័យមួយរបស់ដែនដីហុងកុង ដែលទទួលបានស្ថានភាពប្រសើរក្នុងស្ថានភាពជាដែនដីស្វ័យយ័ត្ន ពេលដែលអានិគមន៍អង់គ្លេសបញ្ចប់តួនាទីរបស់ខ្លួនកាលពីឆ្នាំ១៩៩៧ នៅក្នុងស្ថានភាពពិសេសមួយ។
អ្នកនាំពាក្យក្រសួងការបរទេសអាមេរិកលោកស្រី Heather Nauert ថ្លែងថា អាមេរិក សម្តែងការអបអរចំពោះស្ថានភាពដែលសម្រេចនៅពេលកន្លងទៅនេះ រួមទាំងស្ថានភាពសេដ្ឋកិច្ច និង សេរីភាពបុគ្គលដែលត្រូវបានគោរព។
ទន្ទឹមនឹងការវាយតម្លៃពីភាពប្រសើរនៅហុងកុងនោះ អាមេរិកក៏បានសម្តែងការព្រួយបារម្ភ លើការរំលោភសិទ្ធិស៊ីវិលមួយចំនួនរួមទាំងសេរីភាពនៃសារព័ត៌មាន។