ហុងកុងឃាត់ខ្លួនសកម្មជន២៦នាក់ក្នុងដំណើរទស្សនកិច្ចមេដឹកនាំចិន

នគរបាលហុងកុងបានថ្លែងនៅថ្ងៃសុក្រនេះថា  សកម្មជនគាំទ្រលទ្ធិប្រជាធិបតេយ្យ២៦នាក់ ត្រូវបានឃាត់ខ្លួន កាលពីល្ងាចម្សិលមិញ ពេលដែលដំណើរទស្សនកិច្ចរបស់ប្រធានាធិបតីចិនលោក ស៊ី ជីនពីង បានទៅដល់ ដើម្បីចូលរួមខួប២០ឆ្នាំនៃការផ្ទេរទឹកដីនេះពីអង់គ្លេសទៅចិនវិញ។

នគរបាលថ្លែងថា ក្នុងចំណោម​២៦នាក់នោះ  គឺដោះលែងឲ្យនៅក្រៅឃុំវិញ ហើយត្រូវទៅជួបសមត្ថកិច្ចតាមការកំណត់នៅចុងខែកញ្ញា។ នគរបាលមិនបានបញ្ជាក់ព័ត៌មានលម្អិតពីមូលហេតុទាំងនេះនោះទេ។ នេះបើតាមទីភ្នាក់ងារព័ត៌មានរ៉យទ័រ។​​

នគរបាលហុងកុងបានឃាត់ខ្លួនអ្នកតវ៉ាគាំទ្រលទ្ធិប្រជាធិបតេយ្យទាំងនោះបូករួមទាំងមេដឹកនាំនិស្សិតតវ៉ា លោក Joshua Wong។

ប្រធានាធិបតីចិន​លោក ស៊ី កាលពីថ្ងៃព្រហស្បតិ៍ម្សិលមិញ ថ្លែងថា ចិនបានធ្វើឲ្យប្រាកដទៅមុខទៀតដើម្បីអនាគតហុងកុងជាដែនដីស្វ័យ័ត្ន។ ប៉ុន្តែដំណើរទស្សនកិច្ចរបស់លោកស៊ី នៅពេលនេះ ត្រូវបានគេចោទថា ធ្វើឲ្យហុងកុងបែកបាក់គ្នា ព្រោះដោយសារចិនហាក់ប្រើឥទ្ធិពលខ្លាំងលើកិច្ចការផ្ទៃក្នុងហុងកុង។