ប្រជាជនមកពីប្រទេសចំនួន៦ដែលកាន់សាសនា ឥស្លាម និង ជនស្វែងរកសិទ្ធិជ្រកកោណ ប្រឈមមុខនឹងមិនបានចូលសហរដ្ឋអាមេរិក ពេលអនុវត្តបំរាមដែលមានភាពចម្រូងចម្រាស់របស់លោកត្រាំ ដែលបញ្ជាក់ថា ដើម្បីសុវត្ថិភាពប្រទេស។
ក្នុងបំរាមនោះបញ្ជាក់ថា ចំពោះអ្នកដែលមិនមានគ្រួសារ ឬ ភារកិច្ចសំខាន់ណាមួយជាមួយអាមេរិកទេ នឹងត្រូវបដិសេធទិដ្ឋការ និង ហាមចូលដែនដីអាមេរិក។
កាលពីថ្ងៃចន្ទ តុលាការជាន់ខ្ពស់របស់អាមេរិក បានគាំទ្រ បំរាមការធ្វើដំណើរជាគោលនយោបាយអាទិភាពរបស់លោកត្រាំ។នេះបើតាមសារព័ត៌មានBBC។
ប៉ុន្តែចៅក្រមបានទុកករណីលើកលែងធំមួយគឺអនុញ្ញាត បើសិនជាមានការអះអាងដែលមានការជឿទុកចិត្តបានថា ពួកគេមានទំនាក់ទំនងសំខាន់មួយជាមួយអ្នកណាម្នាក់នៅអាមេរិក។
ចំណុចដែលចៅក្រមគិតថា ជាទំនាក់ទំនងសំខាន់ដែលត្រូវមានការលើកលែងនោះ មានដូចជា ប្តីប្រពន្ធ ឪពុកម្តាយ កូន បងប្អូនបង្កើត ជាដើម។ ចំណែក ទំនាក់ទំនង ជា មីង ពូ ក្មួយ ជាដើម គឺមិនស្ថិតនៅក្នុងចំណុចអាទិភាពដែលត្រូវពិចារណានោះទេ។
វិធានការនោះ អនុវត្តន៍លើប្រជាជនមកពីប្រទេស អ៊ីរ៉ង់ ស៊ីរី លីប៊ី សូម៉ាលី ស៊ូដង់ និង យ៉េមែន ហើយរាប់បញ្ជូលទាំងជនភៀសខ្លួនទាំងអស់។