ក្រុមជួយសង្គ្រោះឥណ្ឌូនេស៊ី៨នាក់ស្លាប់ដោយសារធ្លាក់ឧត្ថម្ភាចក្រ

មនុស្ស៨នាក់បានស្លាប់ បន្ទាប់ពី ឧត្ថម្ភាចក្ររបស់ក្រុមស្រាវជ្រាវ និង ជួយសង្គ្រោះ ជួបគ្រោះថ្នាក់ ហើយបានធ្លាក់នៅថ្ងៃទី២ខែកក្កដាម្សិលមិញ​។​

ទីភ្នាក់ងារស្រាវជ្រាវនិងជួយសង្គ្រោះ ចំនួន​៨នាក់បានធ្វើដំណើរតាមឧត្ថម្ភាចក្រ ហើយបានធ្លាក់ នៅជ្រលងភ្នំ Temanggung នៅកណ្តាល កោះ ចាវ៉ា កាលពីថ្ងៃអាទិត្យ។ ក្រោយមកមន្ត្រីឥណ្ឌូនេស៊ី អះអាងថា អ្នកទាំង៨នោះ បានស្លាប់។​ នេះបើតាមសារព័ត៌មាន ​Channel News Asia។​

ក្រោយហេតុការណ៍នោះ មន្ត្រីជំនាញបានស្វែងរកសាកសពរបស់អ្នកទាំង៨នោះ ឃើញ និង កំណត់អត្តសញ្ញាណរបស់ពួកគេ។​

អ្នកទាំង៨នាក់នោះ បានបំពេញបេសកកម្ម ទៅជួយសង្គ្រោះ ករណីមានបន្ទុះភ្នំភ្លើងនៅភាគកណ្តាលកោះចាវ៉ា កាលពីរសៀលម្សិលមិញ៕