ចិនកាលពីថ្ងៃអាទិត្យម្សិលមិញ បានប្រកាសថា ការបាញ់បង្ហោះរ៉ុកែតដែលរៀបចំក្នុងកម្លាំងខ្លាំងមួយ ដើម្បីបញ្ជូនផ្កាយរណបទៅក្នុងតារាវិថីនោះ បានបរាជ័យ មិនស្របទៅតាមការចង់បានរបស់ប្រទេសដែលចង់បានគ្រប់គ្រងលើការទំនាក់ទំនងឲ្យបានទូលាយ។
រ៉ុកែតរបស់ចិនដែលបរាជ័យនេះគឺជា រ៉ុកែតទី២របស់ទីក្រុងប៉េកាំង បានបាញ់ចេញកាលពីយប់ថ្ងៃអាទិត្យម្សិលមិញ នៅម៉េាង៧:២៣ នាទី បាញ់ចេញពីមជ្ឈមណ្ឌលអវកាស Wenchang នៅក្នុងខេត្ត Hainan។
ទីភ្នាក់ងារព័ត៌មានរដ្ឋចិនស៊ីន ហួរចុះផ្សាយថា មានភាពមិនប្រក្រតីកើតឡើង ហើយពេលនេះ ក្រុមការងារកំពុងបើកការស៊ើបអង្កេត និង ដោះស្រាយបញ្ហាទាំងនោះ។
ពួកគេរំពឹងថា រ៉ុកែតនោះ អាចដឹកញ្ជូនផ្កាយរណប Long March-5 Y2 ដែលមានទម្ងន់ប្រមាណ ២៥តោន ដែលបាញ់ទៅជិតផ្កាយរណបរបស់របស់ខេត្ត Shijian មានទម្ងន់៧,៥ តោន។
មន្ត្រីចិនថ្លែងថា ពួកគេនឹងរៀបចំបញ្ជូនផ្កាយរណបទៅ លើអាកាសជាថ្មីទៀត ដើម្បីបម្រើសេវាក្នុងការទំនាក់ទំនងនៅក្នុងតំបន់នោះរបស់ចិនឲ្យបានប្រសើរឡើង ដូចជា បម្រើការឲ្យសេវា អ៊ិនធឺណែត និង បណ្តាញទូរទស្សន៍ជាដើម៕