អាមេរិកបានសម្រេចដកចោលបំរាម ដែលបានដាក់ចំពោះអ្នកធ្វើដំណើរ មិនឲ្យយកកុំព្យួរទ័រ laptops និងកុំព្យួទ័រ tablet តាមក្រុមហ៊ុនដឹកអ្នកដំណើរតាមយន្តហោះ Etihad ដែលមានមូលដ្ឋាននៅរដ្ឋ Abu Dhabi នៃសហរដ្ឋអារ៉ាប់។
ការលុបចោលនេះ ត្រូវបានស្វាគមន៍ដោយ ក្រុមហ៊ុន Etihad គឺក្រោយពេលដែលសហរដ្ឋអាមេរិកបានចេញបំរាម៣ខែមកនេះ លើការហោះហើរផ្ទាល់ទៅកាន់ព្រលានយន្តហោះចំនួន១០នៅក្នុងប្រទេសទួកគី អាហ្រ្វិកខាងត្បូង និង មជ្ឈឹមបូព៌ា។
Etihad គឺជាក្រុមហ៊ុនដែលទទួលបានផលពីការដកបំរាមនេះមុនគេ ដែលបញ្ជាក់ថា អ្នកធ្វើដំណើរអាច យកតាមខ្លួនបាននូវ កុំព្យួទ័រយួរដៃ និង ឧបករណ៍អេឡិចត្រូនិចផ្សេងៗទៀត។ នេះបើតាមទីភ្នាក់ងារព័ត៌មាន AFP។
ការដាក់ចេញវិធានការហាមឃាត់កន្លងមកដោយសារ ក្រុមចារកម្មអាមេរិករកឃើញព័ត៌មានសម្ងាត់ថា ក្រុមរដ្ឋឥស្លាម មានគម្រោងបំផ្ទុះនៅលើយន្តហោះ។
មន្ត្រីនៅនាយកដ្ឋានសន្តិសុខផ្ទៃក្នុងរបស់អាមេរិកលើកឡើងថា ការសម្រេចដកចេញបំរាមនេះ ដោយសារតែក្រុមហ៊ុន Etihad បានបំពេញលក្ខខណ្ឌគ្រប់លើការពង្រឹងសុវត្ថិភាពតាមការណែនាំ៕