នាវាចម្បាំងអាមេរិក​រំកិលទៅជិតតំបន់ចិនកាន់កាប់នៅសមុទ្រចិនខាងត្បូង

នាវាចម្បាំងរបស់សហរដ្ឋអាមេរិក​កាលពីថ្ងៃអាទិត្យម្សិលមិញបានរំកិលទៅជិត កោះមានជម្លោះដែលចិនកំពុងកាន់កាប់ ដែលករណីនេះអាចជា ចំណុចបង្កជម្លោះទៅថ្ងៃអនាគតរវាងប្រទេសមហាអំណាចទាំងពីរនេះ។​

នាវាពិឃាតអាមេរិក​ USS Stethem បានធ្វើដំណើរទៅជិតកោះ Triton នៅក្នុងប្រជុំកោះ Paracel មិនដល់​២២គីឡូម៉ែត្រទៀតទេ គឺជាតំបន់ដែលចិន កាន់កាប់ ហើយវៀតណាម និង តៃវ៉ាន់​ក៏អះអាងថា ជាកម្មសិទ្ធិរបស់ពួកគេដែរ។​

ប្រតិបត្តិការនេះ ត្រូវបានអាមេរិកអះអាងថា ដើម្បីជាការទាមទារសេរីភាព ដែនសមុទ្រលើផ្ទៃទឹកដែលមានជម្លោះ គឺចាប់ផ្តើមប៉ុន្មានម៉ោងនៅមុនពេលលោក ដូណល ត្រាំ ប្រធានាធិបតីអាមេរិក និង លោក ស៊ី ជីនពីង បានកំណត់កាលវិភាគជជែកគ្នាតាមទូរសព្ទ។​ នេះបើតាមទីភ្នាក់ងារព័ត៌មានAFP។​

ភ្លាមៗនោះ មិនមានការឆ្លើយតប ឬ ប្រតិកម្មណាមួយ ពីរដ្ឋអំណាចទីក្រុងប៉េកាំង ជុំវិញការចល័តនាវារបស់សហរដ្ឋអាមេរិកនេះទេ។​

នេះគឺជាដំណើរការចល័យនាវាចម្បាំង របស់អាមេរិកលើកទីពីរហើយដែលធ្វើឡើងរបៀបនេះ ចាប់តាំងពីលោក ត្រាំលើ កាន់តំណែងកាលពីដើមឆ្នាំ២០១៧មក៕