លោកអាបេ នឹងរុះរើគណៈរដ្ឋមន្ត្រី ខណៈប្រជាប្រិយភាពធ្លាក់ចុះទាបបំផុត​

នាយករដ្ឋមន្ត្រីជប៉ុន លោក ហ្ស៊ីនហ្សូ អាបេ នឹងរុះរើគណៈរដ្ឋមន្ត្រី​របស់លោកនិងថ្នាក់ដឹកនាំគណបក្ស នៅដើមខែក្រោយនេះជា សកម្មភាពដើម្បីស្តារប្រជាប្រិយភាពឡើងវិញក្រោយពេលការធ្លាក់ចុះខ្លាំងចាប់តាំងពីការបោះឆ្នោតថ្នាក់ជាតិ​កាលពីឆ្នាំ២០១២មក។​

កាលពីសប្តាហ៍មុន ការធ្លាក់ចុះប្រជាប្រិយភាពនេះត្រូវបានបង្ហាញដោយក្រុមអ្នកនយោបាយ​ជំនាន់ថ្មីមួយក្រុម ដែលបានលើកឡើងពីចំណុចហានិភ័យក្រោយពេល​ លោក ​អាបេ ដឹកនាំរដ្ឋាភិបាលជិត៥ឆ្នាំនេះ ដែលមានការិះគន់ពីម្ចាស់ឆ្នោតលើភាពក្រអឺតក្រទមនៃអ្នកគ្រប់គ្រងគណៈរដ្ឋមន្ត្រីរបស់លោកគឺលោក​ Yoshihide Suga។

តាមទស្សនៈនៃការស្ទង់មតិដែលបង្ហាញនៅថ្ងៃចន្ទនេះគឺបង្ហាញថា លោក ហ្ស៊ីនហ្សួ អាបេ បានធ្លាក់ចុះប្រជាប្រិយភាពចាប់តាំងពីលោកវិលចូលកាន់តំណែងវិញកាលពីឆ្នាំ២០១២ ដែលមានអ្នកគាំទ្រ៣៦% គឺធ្លាក់ចុះពី៤៩%។​

លោកអាបេ បានថ្លែងប្រាប់អ្នកសារព័ត៌មាន​ នៅពេលចូលរួមប្រជុំកំពូលជាមួយប្រទេសG20ថា នឹងមានការរុះរើគណៈរដ្ឋមន្ត្រីរបស់លោក នៅដើមខែសីហា៕