ប្រជាពលរដ្ឋជាក្រុមអ្នកអភិរក្សនៅក្នុងទីក្រុងហុងកុងតវ៉ាប្រឆាំងអាជ្ញាធរចំពោះគម្រោងនៃការវាយកម្ចេចអគាដែលបន្សល់ទុកពីសម័យសង្គ្រាមលោកលើកទី២ ដើម្បីអភិវឌ្ឍន៍រៀបចំទីក្រុង។
តាមការចុះផ្សាយរបស់ BBC បានឲ្យដឹងថា អគានោះស្ថិតនៅចំកណ្តាលទីក្រុងហុងកុង ដែលមានកន្លែងខ្លះទាប កន្លែងខ្លះខ្ពស់។ អាជ្ញាធរពាក់ព័ន្ធនឹងរៀបចំការប្រជុំនៅថ្ងៃសុក្រសប្តាហ៍នេះ ដើម្បីសម្រេចថា ត្រូវវាយកម្ចេចចោលដើម្បីអភិវឌ្ឍន៍ឬយ៉ាងណា។
គម្រោងរបស់អាជ្ញាធរចង់វាយកម្ចេចអគារដែលបន្សល់ពីសម័យសង្គ្រាមនេះ ដែលខ្លះមានកម្ពស់ពី៣ទៅ៥ជាន់ ដើម្បីកសាងអគារលំនៅឋានដែលមានកម្ពស់ខ្ពស់ចំនួន២ជំនួសវិញ។
ក្រុមអ្នកអភិរក្សបានកោះប្រជុំគ្នាហើយលើកឡើងថា ពួកគេចង់ឲ្យរដ្ឋាភិបាល បដិសេធចោលគម្រោងនេះ ឬ ឲ្យគិតម្តងទៀតរុញការអភិវឌ្ឍន៍ទៅកាន់តំបន់ផ្សេងវិញ។
អគារដែលកំពុងមានភាពចម្រូងចម្រាស់នេះកសាងឡើងតាមបែបស្ថាបត្យកម្ម Tong Lau។ Tong Lau គឺជាឈ្មោះស្ថាបត្យកម្មដែលគេហៅក្នុងការកសាងអគារចន្លោះចុងសតវត្ស១៩ រហូតដល់ទសវត្សរ៍ឆ្នាំ១៩៦០ នៅដែនដីហុងកុង។ អគារទាំងនេះមានលក្ខណៈពិសេសជណ្តើរទូលាយ ខ្យល់អាកាសចេញចូលបានល្អ៕