រដ្ឋ Kelantan របស់ម៉ាឡេស៊ី កាលពីថ្ងៃពុធម្សិលមិញបានកែសម្រួលច្បាប់ឥស្លាម ដែលឲ្យមានការដាក់ទោសទណ្ឌកម្មជាសាធារណៈនាំឲ្យមានការរិះគន់ពីក្រុមប្រឆាំងថាផ្ទុយពីរដ្ឋធម្មនុញ្ញ។
រដ្ឋនេះដឹកនាំដោយគណបក្សឥស្លាមម៉ាឡេស៊ី ដែលបានសម្រេចធ្វើវិសោធនកម្មច្បាប់ sharia ដោយអនុញ្ញាតឲ្យមានការដាក់ទណ្ឌកម្មជាសាធារណៈ ចំពោះអ្នកដែលបានប្រព្រឹត្តកំហុស។
ការដាក់ទណ្ឌពីមហាជននោះត្រូវបានកំណត់ដោយច្បាប់ Sharia នៅក្នុងប្រទេសម៉ាឡេស៊ីរួចហើយ គ្រាន់តែថា កន្លងមកតម្រូវឲ្យធ្វើជាលក្ខណៈមិនសាធារណៈទេ។ នេះបើតាមទីភ្នាក់ងារព័ត៌មាន AFP។
ការកែប្រែច្បាប់នេះតម្រូវ ឲ្យមានការកំណត់នៅក្នុងក្រមព្រហ្មទណ្ឌ ដែលត្រូវអនុវត្តនៅក្នុងរដ្ឋនៅខាងជើងភាគខាងកើតនៃប្រទេស គឺច្បាប់អនុញ្ញាតឲ្យដាក់ទណ្ឌកម្មជាសាធារណៈ លើកលែងតែ ករណីលួច ឬ ផិតក្បត់គូស្នេហ៍អាច ត្រូវអនុញ្ញាឲ្យចោលដំថ្មលើរហូតដល់ស្លាប់ ត្រូវដកចេញ។
ក្រោយច្បាប់នោះត្រូវបានបោះឆ្នោតអនុម័ត្រ ឧបនាយករដ្ឋមន្ត្រី Mohd Amar Nik Abdullah ថ្លែងថា ការសម្រេចឲ្យធ្វើទារុណកម្មនៅខាងក្រៅ ឬ នៅក្នុងពន្ធនាគារនោះនៅតែស្ថិតនៅលើការសម្រេចជាក់ស្តែងរបស់លោកចៅក្រមដដែល៕