សហរដ្ឋអាមេរិកកាលពីថ្ងៃពុធម្សិលមិញបានថ្លែងប្រាប់ទៅកូរ៉េខាងត្បូងថា ចង់ពិភាក្សាឡើងវិញពីកិច្ចព្រមព្រៀងពាណិជ្ជកម្មនៃប្រទេសទាំងពីរ។
នេះគឺជាការប្រែប្រួលការធ្វើពាណិជ្ជកម្ម ដែលធ្វើឡើងដោយប្រធានាធិបតីអាមេរិកលោក ដូណល ត្រាំ។ លោកចង់ធ្វើការកែប្រែលក្ខខណ្ឌមួយចំនួនក្នុងការធ្វើពាណិជ្ជកម្មនៅអាមេរិកខាងជើងនិងបញ្ហាប្រឈមលើការរឹតត្បិតពន្ធនាំចូលពីសេសគឺ ដែក។ លោកក៏បានដកខ្លួនចេញពីកិច្ចព្រមព្រៀងធ្វើពាណិជ្ជកម្មរវាងដៃគូនៅអាស៊ីប៉ាស៊ីហ្វិច TPP កាលពីខែមករា។ នេះបើតាមសារព័ត៌មាន BBC។
កូរ៉េខាងត្បូងគឺជាដៃគូសំខាន់របស់សហរដ្ឋអាមេរិក ដែលទំហំនៃការដោះដូរពាណិជ្ជកម្មទាំងទំនិញ និង សេវាមានដល់ ១៤៤,៦ ពាន់លានដុល្លារកាលពីឆ្នាំមុន។
កាលពីឆ្នាំ២០១២ រដ្ឋការរបស់លោក អូបាម៉ា បានរៀបចំកិច្ចព្រមព្រៀងពាណិជ្ជកម្ម ដោយបានបញ្ជាក់ពី ពេលវេលាសំខាន់១៦ឆ្នាំ ក្នុងការជំរុញសេដ្ឋកិច្ចប្រទេសទាំងពីរអាមេរិកនិងកូរ៉េខាងត្បូង។ ប៉ុន្តែកិច្ចព្រមព្រៀងនោះ មានបញ្ហារាំងស្ទះមួយចំនួនទៀតលោក ត្រាំ ចង់ធ្វើការកែសម្រួល៕