ធនាគារអភិវឌ្ឍន៍អាស៊ី(ADB) បានបង្ហាញរបាយការណ៍ថា ការអភិឌ្ឍផ្នែកសេដ្ឋកិច្ចរីកចម្រើនខុសធម្មតានោះ និងបង្កគ្រោះថ្នាក់ខ្លាំងដល់ក្រុមអ្នកក្រីក្រ។
របាយការណ៍ធនាគារអភិវឌ្ឍន៍អាស៊ីចេញផ្សាយនៅថ្ងៃសុក្រនេះបញ្ជាក់ថា ប្រសិនជាពិភពលោកនៅតែប្រើប្រាស់ប្រេងឥន្ទនៈហ្វូស៊ីល នោះនឹងធ្វើឲ្យតំបន់ដែលមនុស្សរស់នៅច្រើនកកកុញកាន់តែឡើងកំដៅខ្លាំង ធ្វើឲ្យប្រែប្រួលរលកកម្ពៅ នីវ៉ូទឹកសមុទ្រកើនឡើង ការប្រែប្រួលទឹកភ្លៀង ដែលអាចបំផ្លាញដល់ប្រព័ន្ធអេកូឡូស៊ី និង ប៉ះពាល់ខ្លាំងដល់ការរស់នៅរបស់ប្រជាពលរដ្ឋ។
របាយការណ៍ចេញផ្សាយពីទីក្រុងម៉ានីលប្រទេសហ្វីលីពីនបានបញ្ជាក់ថា ការផ្លាស់ប្តូរអាកាសធាតុដែលមិនមានការគំរាមកំហែងកាលពីទសវត្សរ៍មុនៗ គឺមានភាពប្រសើរសម្រាប់ការអភិវឌ្ឍសេដ្ឋកិច្ច។
របាយការណ៍បញ្ជាក់នៅទសវត្សចុងក្រោយនេះ គឺពិភពលោកមានការកើនឡើងកម្ពៅខ្លាំង ធ្វើឲ្យប៉ះពាល់ខ្លាំងសេដ្ឋកិច្ចនៅតំបន់អាស៊ីប៉ាស៊ីហ្វិក ពិសេសប្រជាជនក្រីក្រ និង ងាយរងគ្រោះ។
ប៉ុន្តែរបាយការណ៍នោះបញ្ជាក់ថា តំបន់ទាំងនេះអាចនឹងជៀសផុតពីគ្រោះមហន្តរាយបានបើសិនជាងាកទៅប្រើប្រាស់ថាមពលដែលអាចកកើតឡើងវិញ៕