កម្មករម្នាក់ស្លាប់និង១០នាក់ផ្សេងទៀតរងរបួសនៅក្នុងប្រទេសសិង្ហបុរី ក្នុងករណីផ្លូវជាន់លើមួយខ្សែដែលធ្វើមិនទាន់ហើយបានបាក់រលំនៅព្រឹកថ្ងៃសុក្រនេះនៅក្បែរផ្លូវ Pan-Island Expressway។
តាមការចុះផ្សាយរបស់សារព័ត៌មាន Channel News Asia ដកស្រង់របាយការណ៍ពីស្ថាប័នការពារជនស៊ីវិលសិង្ហបុរីឲ្យដឹងថា ការបាក់នេះកើតឡើងម៉ោង៣និង៣៥នាទី។ ប្រភពដដែលឲ្យដឹងទៀតថា ក្រុមការពារជនស៊ីវិលសិង្ហបុរីប្រមាណ៦០នាក់បានធ្វើសកម្មភាពសង្គ្រោះ។
កម្មករ១០នាក់ដែលរងរបួសនោះ ត្រូវបានបញ្ជូនទៅសង្គ្រោះនៅមន្ទីរពេទ្យ Changi។ អ្នករបួសទាំងនេះមកពីប្រទេសចិន និង ប្រទេសប៉ង់ក្លាដេស៕