អន្តរជាតិ

កូរ៉េខាងត្បូងដាក់ពង្រាយខែលការពារមីស៊ីលក្រោយកូរ៉េខាងជើងធ្វើតេស្តជាថ្មី

លោក ឌិត សុខធី
| ២៩ កក្កដា ២០១៧
ម៉ោង ១៣:២៤

កូរ៉េខាងត្បូងបាននិយាយនៅថ្ងៃនេះថា ខ្លួននឹងដំណើរការដាក់ពង្រាយប្រព័ន្ធខែលការពារមីស៊ីលចំនួន ៤គ្រឿង ដែលបានមកពីអាមេរិក បន្ទាប់ពីកូរ៉េខាងជើងបានបាញ់សាកល្បងគ្រាប់មីស៊ីលអន្តរទ្វីបជាថ្មីម្ដងទៀតកាលពីយប់មិញនេះ។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន Reuters។

ការដាក់ពង្រាយខែលការពារមីស៊ីលនេះ ត្រូវបានពន្យាពេលទៅហើយ បន្ទាប់ពីការដាក់ពង្រាយប្រព័ន្ធការពារមីស៊ីល ២គ្រឿងដំបូង ក្រោយពីប្រធានាធិបតីកូរ៉េខាងត្បូង លោក មូន ជែអ៊ីន បានបញ្ជាឲ្យសិក្សាវាយតម្លៃលើផលប៉ះពាល់បរិស្ថាន។

វិមានបៃតង បាននិយាយថា ចិនបានទទួលដំណឹងអំពីការសម្រេចបង្កើនការដាក់ពង្រាយនេះហើយ។

ចិនបានខឹងសម្បាយ៉ាងខ្លាំងទៅនឹងការដាក់ពង្រាយប្រព័ន្ធការពារមីស៊ីលនេះ ដោយនិយាយថា វាជួយទប់ស្កាត់បានតិចប៉ុណ្ណោះចំពោះការគំរាមកំហែងពីកូរ៉េខាងជើង ខណៈដែលវាធ្វើឲ្យសន្តិសុខតំបន់មិននឹងនរ។ ចិនជឿថា រ៉ាដាប្រព័ន្ធការពារមីស៊ីលនេះ អាចរំលោភចូលជ្រៅក្នុងដែនដីរបស់ខ្លួន៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។