អន្តរជាតិ

តៃវ៉ាន់ត្រៀមខ្លួនសម្រាប់ព្យុះទីហ្វុងដំបូងប្រចាំនេះ

លោក ឌិត សុខធី
| ២៩ កក្កដា ២០១៧
ម៉ោង ១៤:៥៨

កោះតៃវ៉ាន់ បានផ្អាកដំណើរការផ្លូវរថភ្លើង និងបិទសាលារៀននៅថ្ងៃនេះ ខណៈដែលដែនដីកោះមួយនេះត្រៀមខ្លួនប្រឈមមុខនឹងព្យុះទីហ្វុងលើកដំបូងរបស់ខ្លួននៅក្នុងឆ្នាំនេះ។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP។

ព្យុះទីហ្វុងនេសាទ ដែលកំពុងវិវឌ្ឍទៅជាព្យុះល្បឿនកម្រិតមធ្យមកាលពីថ្ងៃម្សិលមិញនេះ កំពុងតែនាំមកនូវខ្យល់បក់បោកខ្លាំងក្លាចូលដល់ឆ្នេរភាគខាងកើតដែនដីកោះតៃវ៉ាន់ ដែលវាគ្រោងនឹងដល់ដីគោកកោះតៃវ៉ាន់នៅរាត្រីថ្ងៃសៅរ៍នេះ។

ព្យុះទីហ្វុងនេសាទ បោកបក់ដល់ភាគអាគ្នេយ៍នៃស្រុកហួលៀនហើយ ជាមួយល្បឿនរហូតដល់ ១៣៧គីឡូម៉ែត្រក្នុងមួយម៉ោង។

ការិយាល័យអាកាសធាតុតៃវ៉ាន់ បានព្រមានអំពីភ្លៀងធ្លាក់ខ្លាំងនៅភាគខាងកើត និងភាគខាងត្បូង ដោយអាចនឹងនាំមកនូវទឹកភ្លៀងខ្លាំងបំផុតនៅតំបន់មួយចំនួន។

សាលារៀន និងកន្លែងការងារ ត្រូវបានប្រកាសបិទទ្វារនៅលើកោះចំនួន ២ ខណៈដែលស្រុកជាច្រើននៅភាគខាងកើត ត្រូវបានគេរំពឹងថា នឹងប្រកាសបិទទ្វារផងដែរនៅរសៀលថ្ងៃនេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។