នាយកដ្ឋានបង្ការគ្រោះមហន្តរាយរបស់ថៃនៅថ្ងៃចន្ទនេះបញ្ជាក់ថា ប្រព័ន្ធតាមដានការគំរាមកំហែងដោយរលកស៊ូណាមីរបស់ប្រទេសនេះ ត្រូវការកែលម្អសម្ភារបច្ចេកទេសជាង៨០% ដើម្បីអាចមានសមត្ថភាពគ្រប់គ្រាន់ក្នុងតាមដានស្ថានភាពរលកស៊ូណាមី។ នេះបើតាមការទីភ្នាក់ងារព័ត៌មានរ៉យទ័រ។
ថៃគឺជាប្រទេសមួយស្ថិតនៅក្នុងតំបន់ដែលប៉ះពាល់ដោយសាររលកស៊ូណាមី កាលពីឆ្នាំ២០០៤ ហើយបណ្តាលឲ្យមានអ្នកស្លាប់២២៦ ០០០នាក់ ក្នុងនៅថៃស្លាប់អស់ ៥៣៩៥នាក់។
កាលពីថ្ងៃទី២៦ខែធ្នូឆ្នាំ២០០៤ រញ្ជួយដីកម្លាំង ៩,១៥ រិច្ឆទ័រនៅឆ្នេរសមុទ្រស៊ូម៉ាត្រារបស់ឥណ្ឌូនេស៊ី ដែលបង្កជារលកខ្លាំងបំផ្លាញជីវិតមនុស្ស និង ខូចខាតសម្ភារនៅក្នុងសមុទ្រឥណ្ឌា ប៉ះដល់ប្រទេសឥណ្ឌូនេស៊ី ឥណ្ឌា និង ស្រីលង្កា។
នាយកដ្ឋានបង្ការគ្រោះមហន្តរាយរបស់ថៃបញ្ជាក់ថាប្រព័ន្ធតាមដានរលកស៊ូណាមី ដែលដំឡើងតាំងពីឆ្នាំ២០០៦នោះ ត្រូវការកែលម្អសម្ភារបច្ចេកទេសប្រមាណពី៧០ទៅ៨០ភាគ ដែលស្នើនឹងប្រមាណ២០០០ផ្នែក៕