ក្រុមអ្នកឃ្លាំមើលដំណើរប្រឆាំងអំពើពុករលួយលើកឡើងថា កាលពីថ្ងៃពុធម្សិលមិញ មន្ត្រីជាន់ខ្ពស់មួយរួបត្រូវបានបណ្តេញចេញពីបក្សកុម្មុយនីស្តចិន បន្ទាប់ពីបើកការស៊ើបអង្កេតមួយរយៈរកឃើញថា មន្ត្រីរូបនោះពាក់ព័ន្ធក្នុងការទទួលសំណូក។
គណៈកម្មាធិការកណ្តាលសម្រាប់កិច្ចការអធិការកិច្ច ថ្លែងថា លោក Zhang Huawei ជាអធិការកិច្ចថ្នាក់រដ្ឋមន្ត្រី មកពីក្រុមអធិការកិច្ចកណ្តាល បានបាត់បង់មុខតំណែង និងត្រូវផ្តន្ទាទោស ហើយបានធ្វើឲ្យខូចឈ្មោះក្រុមការងាររបស់លោក។ នេះបើតាមការទីភ្នាក់ងារព័ត៌មានរ៉យទ័រ។
លោក Zhang ត្រូវបានក្រុមអធិការកិច្ចប្រកាសជាលើកដំបូងកាលពីខែមេសា ឆ្នាំ២០១៧ថា លោកពាក់ព័ន្ធទៅនឹងការទទួលសំណូកនៅក្នុងតំណែងរបស់លោក។
យោងតាមទស្សនាវដ្តីហិរញ្ញវត្ថុរបស់ចិន Caixin ចុះផ្សាយថា ក្នុងពេលនោះ លោក Zhang ត្រូវបានឃុំខ្លួនពាក់ព័ន្ធទៅនឹងការទទួលផលប្រយោជន៍ផ្នែកហិរញ្ញវត្ថុ។ ចំណែកក្រុមការងារស៊ើបអង្កេតបានតានដានករណីនេះតាំងពីដើមឆ្នាំ២០១៧៕