ប្រធានាធិបតីសហរដ្ឋអាមេរិកលោក ដូណល ត្រាំ កាលពីថ្ងៃពុធម្សិលមិញបានចុះហត្ថលេខាលើច្បាប់ថ្មីស្តីពីការដាក់ទណ្ឌកម្មលើប្រទេសរុស្ស៊ីទាំងទើសទាល់ ឈានដល់រដ្ឋអំណាចទីក្រុងមូស្គូប្រកាសសង្គ្រាមពាណិជ្ជកម្មហើយថា ក្តីសង្ឃឹមក្នុងការទំនាក់ទំនងល្អជាមួយអាមេរិកត្រូវបានបញ្ចប់។
សភាអាមេរិកបានអនុម័តក្នុងសំឡេងច្រើនលើសលប់កាលពីសប្តាហ៍មុនក្នុងការដាក់ទណ្ឌលើប្រទេសរុស្ស៊ីពាក់ព័ន្ធការចោទថា បានជ្រៀតជ្រែកចូលកិច្ចការបោះឆ្នោតរបស់អាមេរិកកាលពីចុងឆ្នាំ២០១៦ និង ការឈ្លានពានចូលកាន់កាប់ដែនដីគ្រីមៀរបស់អ៊ុយក្រែន។
តាមទីភ្នាក់ងារព័ត៌មានរ៉យទ័រគឺលោកត្រាំចុះហត្ថលេខាកាលពីម្សិលមិញនេះ ធ្វើឡើងដោយបិទទ្វារមិនមានការហែហម មានពិធីអធឹកអធម សមនឹងតួនាទីឬ ដូចទម្លាប់រមុនៗនោះទេ។ លោកត្រាំថ្លែងរិះគន់ថា ការដាក់ទណ្ឌកម្មនេះ មិនសាកសមជាមួយគោលនយោបាយអន្តរជាតិដែលមុតស្រួចរបស់លោកនោះទេ។
ចំណែកខាងរុស្ស៊ីបានប្រកាសភ្លាមដែលថា ក្តីសង្ឃឹមនៃការពង្រឹកទំនាក់ទំនងល្អជាមួយរដ្ឋការរបស់លោកត្រាំ ត្រូវបានបញ្ចប់ហើយ ហើយប្រកាសថា នឹងប៉ះពាល់ច្រើនលើផ្នែកធ្វើពាណិជ្ជកម្មឬ ហៅថា សង្គ្រាមពាណិជ្ជកម្ម៕
