អាជ្ញាធររៀបចំការបោះឆ្នោតនៅប្រទេសវេណេហ្សូអេឡា ច្រានចោលការចោទថា ការបោះឆ្នោតកាលពីថ្ងៃអាទិត្យកន្លងទៅមានភាពចលាចល មិនអាចយកជាការបាននោះ ដោយអះអាងថា ការបោះឆ្នោតនោះត្រឹមត្រូវអាចយកជាការបាន។
ក្រុមហ៊ុនដែលជួយដល់ការរៀបចំប្រព័ន្ធបោះឆ្នោតបានអះអាងថា ការបោះឆ្នោតនោះមានភាពចលាចលគឺមានតែពលរដ្ឋប្រមាណជាង១លាននាក់បានទៅបោះឆ្នោត គឺជាចំនួនតិចជារដ្ឋាភិបាលអះអាង។ នេះបើតាមសារព័ត៌មាន BBC។
ប៉ុន្តែអាជ្ញាធររៀបចំការបោះឆ្នោតបានប្រតិកម្មត្រឡប់ហើយថា ការអះអាងនោះជា ការមិនទទួលខុសត្រូវ ដែលមិនមានការប៉ាន់ស្មានច្បាស់លាស់។
ប្រធានាធិបតី Nicolas Maduro ថ្លែងថា ការបោះឆ្នោតនោះត្រឹមត្រូវ សេរីភាព និងតម្លាភាព អាចយកជាការបានមានពលរដ្ឋចូលរួមជាង៨លាននាក់ឬស្មើនឹងប្រមាណ៤១,៥% ហើយសភាពធម្មនុញ្ញថ្មីនឹងប្រកាសបើកដំណើរការនៅថ្ងៃសុក្រស្អែកនេះ។
ហេតុការណ៍បោះឆ្នោតនៅប្រទេសវេណេហ្សូអេឡាកាលពីថ្ងៃអាទិត្យមានហិង្សាកើតឡើងបណ្តាលឲ្យមនុស្សប្រមាណ១០នាក់ស្លាប់ ហើយមេដឹកនាំគណបក្សប្រឆាំងចំនួន២រូបត្រូវបានចាប់បញ្ជូនទៅកាន់ពន្ធនាគារ នាំឲ្យមានការថ្កោលពីសហគមន៍អន្តរជាតិ រួមទាំងសហរដ្ឋអាមេរិកផងដែរ៕