អគារខ្ពស់ជាងគេនៅលើពិភពលោកស្ថិតនៅក្នុងតំបន់អគារខ្ពស់ៗផ្សេងទៀតនៅក្នុងទីក្រុងឌូបៃនៃប្រទេសអារ៉ាប់មីតអារ៉ាប់ បានឆេះជាលើកទី២ក្នុងរយៈពេលពីរឆ្នាំកន្លងទៅនេះ។
តាមវីឌីអូ ដែលសារព័ត៌មាន BBC ផ្សព្វផ្សាយគឺបង្ហាញពីទិដ្ឋភាពពេលយប់ងងឹត មានអណ្តាតភ្លើងឆេះពីចំណុចកណ្តាលនៃអគាររាលដាលទៅផ្នែកខាងលើ ហើយបំណែកខ្លះនៃភ្លើងបានធ្លាក់ចុះមកក្រោម។
ក្រោយហេតុការណ៍ភ្លើងឆេះកាលពីយប់មិញនេះអាជ្ញាធរថ្លែងថា ក្រុមការងារផ្នែកការពារជនស៊ីវិល បានជោគជ័យក្នុងការជម្លៀសអ្នកនៅក្នុងអគារនោះចេញដោយសុវត្ថិភាពដោយបញ្ជាក់ថា មិនមានអ្នករងរបួសនោះទេ។ សមត្ថកិច្ចបញ្ជាក់ថា អគ្គីភ័យនោះស្ថិតនៅក្នុងស្ថានភាពដែលអាចគ្រប់គ្រងបាន។
ទោះយ៉ាងណាគេនៅមិនទាន់ដឹងច្បាស់ថា មូលហេតុអ្វីបានជាភ្លើងឆេះអគារដែលខ្ពស់ជាងគេនៅពិភពលោកនេះទេ។ អគារនេះរងការខូចខាតអស់មួយចំនួនដោយសារភ្លើងឆេះកាលពីឆ្នាំ២០១៥៕