កម្មកររាប់រយនាក់ បានចេញធ្វើបាតុកម្មនៅឯកំពង់ផែកុងតឺន័រធំបំផុតរបស់ឥណ្ឌូនេស៊ី កាលពីថ្ងៃម្សិលមិញនេះ ដោយបណ្ដាលឲ្យប៉ះពាល់ដល់ប្រតិបត្តិការ និងការដឹកជញ្ជូនកុងតឺន័រចូលកំពង់ផែននេះ។ នេះដោយយោងតាមការចុះផ្សាយរបស់សារព័ត៌មានសិង្ហបុរី ដោយបានដកស្រង់សម្ដីមន្ត្រីសហជីព។
សហជីពបាននិយាយថា បុគ្គលិកជិត ៧០០នាក់ នៅឯកំពង់ផែកុងតឺន័រអន្តរជាតិក្នុងទីក្រុងហ្សាកាតា បានចាកចេញពីការងារកាលពីថ្ងៃព្រហស្បតិ៍កន្លងមក ចូលរួមធ្វើបាតុកម្មនេះ។
មេដឹកនាំសហជីព បាននិយាយថា បាតុកម្មនេះបានបណ្ដាលឲ្យប៉ះពាល់ដល់ការលើកដាក់ និងលើកចុះកុងតឺន័រ ព្រមទាំងសកម្មភាពរបស់កំពង់ផែ។
មេដឹកនាំសហជីពអះអាងថា កម្មករបានទាមទារប្រាក់រង្វាន់ពេញលេញប្រចាំឆ្នាំមុន បន្ទាប់ពីត្រូវបានកាត់ចេញជាង ៤០ភាគរយ៕