ក្រុមប្រមុខកាទូតអាស៊ាន កាលពីថ្ងៃម្សិលមិញនេះ បានយល់ព្រមលើគោលការណ៍ក្រមប្រតិបត្តិសមុទ្រចិនខាងត្បូង ជាមួយនឹងបំណងលើកយកក្រមនេះទៅអនុម័តនៅក្នុងកិច្ចប្រជុំអាស៊ាន-ចិន នៅថ្ងៃនេះ។ នេះដោយយោងតាមការចុះផ្សាយរបស់សារព័ត៌មានសិង្ហបុរី។
ការយល់ព្រមពីក្រុមរដ្ឋមន្ត្រីការបរទេសអាស៊ាននេះ ត្រូវបានគេរំពឹងថា នឹងបើកផ្លូវសម្រាប់ជំហ៊ានបន្ទាប់នៅក្នុងការចរចាពីក្រមប្រតិបត្តិ ដើម្បីគ្រប់គ្រងជម្លោះដែនទឹក។
ព័ត៌មាននេះ ត្រូវបានប្រាប់ឲ្យដឹងតាមរយៈអ្នកនាំពាក្យក្រសួងការបរទេសហ្វីលីពីន អំឡុងសន្និសីទសារព័ត៌មានដ៏ខ្លីមួយក្រោយកិច្ចប្រជុំរដ្ឋមន្ត្រីការបរទេសអាស៊ាននៅទីក្រុងម៉ានីល។
ក្រមប្រតិបត្តិនេះ ត្រូវបានយល់ព្រមកាលពីខែឧសភាកន្លងមក បន្ទាប់ពីកិច្ចប្រជុំមួយរវាងក្រុមមន្ត្រីអាស៊ាន និងចិន។
