ចិននិងវៀតណាមបានលុបចោលគម្រោងជូបគ្នាក្រៅកិច្ចប្រជុំនៅក្នុងទីក្រុងម៉ានីល ប្រទេសហ្វីលីពីន ខណៈភាពតានតឹងនៅសមុទ្រចិនខាងត្បូងប្រទេសទាំងពីរប្រឈមមុខដាក់គ្នាខ្លាំង។
កាលពីថ្ងៃអាទិត្យវៀតណាមបានចេញសេចក្តីថ្លែងការណ៍ដោយបានបង្ហាញការព្រួយបារម្ភ ចំពោះកសាងអគារ និង ពង្រីកមូលដ្ឋានទ័ពនៅលើកោះក្នុងសមុទ្រចិនខាងត្បូង។ ដែលកង្វល់នេះលើកឡើងនៅក្នុងកិច្ចប្រជុំរដ្ឋមន្ត្រីការបរទេសអាស៊ាន។
វៀតណាមក៏បានប្រើប្រាស់ពាក្យសម្តីខ្លាំង ប្រឆាំងចិនដែលអះអាងថា ចង់ដណ្តើមផ្លូវទឹកនៅសមុទ្រចិនខាងត្បូងទាំងអស់។ ផ្លូវទឹកនៅសមុទ្រចិនខាងត្បូងទទួលបានកម្រៃពីការដឹកជញ្ជូនទំនិញឆ្លងកាត់ប្រមាណ៣ទ្រីលានដុល្លារក្នុង១ឆ្នាំ។
ស្ថានទូតចិននៅហ្វីលីពីនមិនបានបញ្ជាក់មូលហេតុដែលរដ្ឋមន្ត្រីការបរទេសចិនលោក វ៉ាង យី និងរដ្ឋមន្ត្រីការបរទេសវៀតណាម លោក ផាម ប៊ីញមីញលប់ចោល គម្រោងជួបគ្នានោះទេ។
ជម្លោះរវាងចិន និង វៀតណាមបានកើនឡើងកម្ពៅបន្ថែមទៀតចាប់តាំងពីខែមិថុនាកន្លងទៅ ក្រោយពេលដែលវៀតណាមចាប់ផ្តើមជីកយកប្រេង និង ឧស្ម័ននៅតំបន់មានជម្លោះជាមួយចិន៕