អាជ្ញាធរម៉ាឡេស៊ី បានវាយឆ្មក់ និង ត្រួតពិនិត្យកន្លែងមួយចំនួនរកឃើញថា អ្នកដែលសង្ស័យជាក្រុមភេរវករ មកពីបណ្តាលប្រទេសផ្សេងៗ ចំនួនជាង៤០០នាក់។
អាជ្ញាធរម៉ាឡេស៊ីបានស្រាវជ្រាវរកគោលដៅសំខាន់ៗមួយចំនួនក្នុងទីក្រុងកូឡាឡាំពួរ។ យុទ្ធនាការអាជ្ញាធរបានធ្វើនៅប៉ុន្មានថ្ងៃចុងក្រោយនេះ ដោយផ្តោតលើជនបរទេសពីបង់ក្លាដេស ឥណ្ឌា និងប៉ាគីស្ថាន។ នេះបើតាមសារព័ត៌មាន BBC។
ម៉ាស៊ីនត្រួតពិនិត្យលិខិតឆ្លងដែន ស្វែងរកអ្នកប្រើប្រាស់លិខិតឆ្លងដែនក្លែងក្លាយក៏ស្ថិតនៅក្នុងក្រុមដែលសង្ស័យថា ពួកភេរវកម្មផងដែរ។
នៅប៉ុន្មានសប្តាហ៍ចុងក្រោយនេះ អាជ្ញាធរម៉ាឡេស៊ីមានការឹតបន្តឹងខ្លាំងលើសន្តិសុខ ពិសេសត្រួតពិនិត្យលើក្រុមភេរវកម្ម ក្រោយដែលមានរបាយការណ៍ថា ក្រុមភេរវកម្មកំពុងរៀបចំពង្រឹងមូលដ្ឋានរបស់ខ្លួននៅក្នុងប្រទេសហ្វីលីពីន ឥណ្ឌូនេស៊ី និង ម៉ាឡេស៊ី៕