កូរ៉េខាងជើងកំពុងពិចារណា ក្នុងការបាញ់មីស៊ីលទៅមូលដ្ឋានអាកាសរបស់អាមេរិកនៅលើកោះមួយស្ថិតនៅមហាសមុទ្រប៉ាស៊ីហ្វិក ជាការសងសឹកករណីដែលអង្គការសហប្រជាជាតិដាក់ទណ្ឌកាលពីពេលថ្មីៗនេះ។
កោះនោះជាមូលរដ្ឋានទ័ពអាកាសអាមេរិកដែល កូរ៉េខាងជើងកំពុងរៀបចំក្នុងការបាញ់មីស៊ីលទៅឈ្មោះ កោះ Guam ស្ថិតនៅក្នុងមហាសមុទ្រប៉ាស៊ីហ្វិក។
សារវាយប្រហារដោយគ្រាប់មីស៊ីលនេះ កូរ៉េខាងជើងប្រកាសឡើងក្រោយពេលប៉ុន្មានម៉ោងប្រធានាធិបតីសហរដ្ឋអាមេរិកលោក ដូណល ត្រាំ បានគំរាមផ្ទុះអាវុធជាមួយកូរ៉េខាងជើង។
ទីភ្នាក់ងារព័ត៌មានរដ្ឋកូរ៉េខាងជើងចុះផ្សាយថា ពួកគេកំពុងពិចារណាក្នុងការបាញ់មីកម្រិតមធ្យមទៅលើកោះGuam ដែលទីនោះគឺជាមូលដ្ឋានវាយប្រហារសំខាន់មួយរបស់អាមេរិក។
នៅពេលថ្មីៗនេះ ក្រុមប្រឹក្សាសន្តិសុខអង្គការសហប្រជាជាតិបានសម្រេចដាក់ទណ្ឌកម្មបន្ថែមទៀតទៅលើប្រទេសកូរ៉េខាងជើង ដើម្បីហាមឃាត់ការធ្វើសកម្មភាពរបស់មន្ត្រីជំនាញ និង ជំរុញឲ្យទម្លាក់កម្មវិធីអាវុធនុយក្លេអ៊ែ។ ប៉ុន្តែកូរ៉េខាងជើងចាត់ទុកថា នោះគឺជាការគំរាមកំហែងបំពានដោយហិង្សាលើដែនអធិតេយ្យភាពរបស់ខ្លួន។ កូរ៉េខាងជើងចាត់ទុកថា ការដាក់ទណ្ឌកម្មថ្មីបន្ថែមទៀតនេះគឺអាមេរិកជាអ្នកដឹកមុខគេក្នុងការរៀបចំ៕