មេដឹកនាំគណបក្សប្រឆាំងនៅក្នុងប្រទេសកេនយ៉ាជាបេក្ខជនប្រធានាធិបតីលោក Raila Odinga ថ្លែងថា ប្រព័ន្ធទិន្នន័យលទ្ធផលបោះឆ្នោតត្រូវបានគេ Hack លួចចូលកែទិន្នន័យ។
មេដឹកនាំគណបក្សប្រឆាំងរូបនេះ បានប្រកាសច្រានចោលទ្ធផលបណ្តោះអាសន្ននៃការបោះឆ្នោតដែលចេញផ្សាយកាលពីម្សិលមិញ គឺបង្ហាញថា ប្រធានាធិបតី Uhuru Kenyatta ទទួលបានជ័យជម្នះ។
មន្ត្រីគណកម្មាធិការជាតិរៀបចំការបោះឆ្នោតមិនទាន់មានប្រតិកម្មយ៉ាងណាចំពោះការចោទប្រកាន់ពីមេដឹកនាំគណបក្សប្រឆាំងនេះនៅឡើយទេ ប៉ុន្តែអ្នកនយោបាយនានាអំពាវនាវមហាជនរក្សាភាពស្ងប់ស្ងាត់ រងចាំដំណោះស្រាយបន្តបន្ទាប់ទៀត។
អ្នកតាមដាននានាបង្ហាញការព្រួយបារម្ភខ្លាចមានជម្លោះដូចការបោះឆ្នោតកាលពី១០មុនទៀត ដែលបណ្តាលឲ្យមនុស្សប្រមាណ១១០០នាក់ ស្លាប់ និង ជាង ៦០០ ០០០នាក់ ត្រូវជម្លៀសចេញពីទីលំនៅឋាន៕
