អន្តរជាតិ

មេដឹកនាំកូរ៉េខាងត្បូងថា គ្មានសង្គ្រាមដាច់ខាតនៅលើឧបទ្វីបកូរ៉េ

លោក ឌិត សុខធី
| ១៤ សីហា ២០១៧
ម៉ោង ១៦:៣២

មេដឹកនាំកូរ៉េខាងត្បូង បានប្រកាសថា នឹងមិនមានសង្គ្រាមកើតឡើងនៅលើឧបទ្វីបកូរ៉េជាថ្មីទៀតនោះឡើយ បើទោះបីជារងការគំរាមកំហែងឥតល្ហែពីកូរ៉េខាងជើងក៏ដោយ។ នេះដោយយោងតាមការចុះផ្សាយរបស់ Reuters ដែលបានដកស្រង់សម្ដីប្រធានាធិបតីកូរ៉េខាងត្បូង លោក មូន ជែអ៊ីន។

បើតាម Reuters លោក មូន បានថ្លែងដូច្នេះនៅក្នុងកិច្ចប្រជុំជាប្រក្រតីមួយជាមួយក្រុមទីប្រឹក្សា និងជំនួយការរបស់លោក នៅថ្ងៃនេះ។

លោក មូន ត្រូវបានដកសម្រង់សម្ដីចុះផ្សាយថា មិនថាមានអ្វីឡើងចុះនោះទេ ស្ថានការណ៍នុយក្លេអ៊ែរកូរ៉េខាងជើង ត្រូវតែដោះស្រាយដោយសន្តិវិធី ហើយលោកបានអំពាវនាវទៅក្រុងព្យុងយ៉ាង ឲ្យបញ្ឈប់ទង្វើគំរាមកំហែង ដែលនាំឲ្យស្ថានការណ៍កាន់តែតានតឹងខ្លាំងជាមួយនឹងក្រុងវ៉ាស៊ីងតោន៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។