កម្លាំងទ័ពការពារព្រំដែននៃប្រទេសឥណ្ឌានិងចិន នៅតំបន់មានជម្លោះ ហ៊ីម៉ាឡាយ៉ា ប្រឈមមុខគ្នាក្នុងការផ្ទុះអាវុធក្រោយពេលកងទ័ពប្រទេសទាំងពីរ បានព្យាយាមឆ្លងកាត់ព្រំដែនជា កន្លែងហាមឃាត់រវាងគ្នាទៅវិញទៅមកនៅព្រឹកថ្ងៃពុធនេះ។
មន្ត្រីការពារជាតិរបស់ឥណ្ឌាថ្លែងថា ទាហានចិនបានចោលដំថ្មទៅលើទាហានឥណ្ឌា នៅបឹង Pangong ជាកន្លែងដែលទាក់ទាញភ្ញៀវទេសចរខ្លាំង ហើយថា ទាហានរបស់ចិនព្យាយាមដើរចូលដែនអធិបតេយ្យភាពរបស់ឥណ្ឌា ប៉ុន្តែកម្លាំងរបស់ឥណ្ឌាទប់ស្កាត់និងបណ្តេញឲ្យចេញវិញ។ នេះបើតាមទីភ្នាក់ងារព័ត៌មាន AFP។
ប៉ុន្តែប្រភពពីកម្លាំងទ័ពឥណ្ឌា បញ្ជាក់ថា មិនមានស្ថានភាពធ្ងន់ធ្ងរទេគឺក្រោយពេល ទាហានចិនចោលដុំថ្ម ហើយ ស្ថានភាពក៏មានការសម្របសម្រួលឲ្យស្ថានភាពធូរស្រាលវិញ។
មហាអំណាចនុយក្លេអ៊ែ ចិន និងឥណ្ឌា ធ្លាប់ផ្ទុះសង្គ្រាមនៅតាមព្រំដែនកាលពីឆ្នាំ១៩៦២ ហើយកាលពីឆ្នាំ២០១៤ ក៏មានការចល័តទ័ពត្រៀមនឹងផ្ទុះអាវុធម្តងទៀត ប៉ុន្តែស្ថានភាពអាចគ្រប់គ្រងបានវិញ៕