សារព័ត៌មានថៃបានចុះផ្សាយថា តុលាការកំពូលប្រទេសនេះ បានចេញដីកាស្វែងរកចាប់ខ្លួនអតីតនាយករដ្ឋមន្ត្រីថៃ អ្នកស្រី យីងឡាក់ ស៊ីណាវ៉ាត់ នៅថ្ងៃនេះ បន្ទាប់ពីអ្នកស្រីពុំបានបង្ហាញខ្លួននៅក្នុងតុលាការនៅថ្ងៃនេះ ដើម្បីស្ដាប់ការប្រកាសសាលក្រមជុំវិញសំណុំរឿងស្រូវអង្ករនៅក្រោមរដ្ឋបាលរបស់អ្នកស្រី។
កាសែតបាងកក ប៉ុស្តិ៍ បានឲ្យដឹងថា អ្នកស្រី យីងឡាក់ មិនបានបង្ហាញវត្តមានទេ ដោយលើកហេតុផលបញ្ហាសុខភាពរបស់អ្នកស្រី ខណៈដែលអ្នកគាំទ្រអ្នកស្រីរាប់ពាន់នាក់ បានប្រមូលផ្ដុំគ្នានៅជិតតុលាការកំពូល។
បាងកក ប៉ុស្តិ៍ បានផ្សាយទៀតថា ទោះបីជាលើកហេតុផលបញ្ហាសុខភាពក្ដី ក៏តុលាការពុំទទួលយកការពន្យល់នេះទេ បន្ទាប់ពីតុលាការអ្នកស្រី ពុំអាចបង្ហាញលិខិតបញ្ជាសុខភាពរបស់អ្នកស្រីចេញដោយគ្រូពេទ្យ។
តុលាការនេះក៏បានបញ្ជាឲ្យរឹបអូសទ្រព្យសម្បត្តិអ្នកស្រីមានតម្លៃ ៣០លានបាតផងដែរ។
កាលពីថ្ងៃម្សិលមិញនេះ អ្នកស្រី យីងឡាក់ បានប្រាប់អ្នកគាំទ្រនៅតាមបណ្ដាញ Facebook ថា ឲ្យពួកគេនៅផ្ទះចុះ និងមិនបាច់ទៅតុលការនោះទេ៕
