អភិបាលរដ្ឋ Texas លោក Greg Abbott បានព្រមានថា គ្រោះមហន្តរាយទឹកជំនន់នឹងបន្តកើតមានឡើងទៀតនៅពាក់កណ្តាលសប្តាហ៍ក្រោយនេះ បន្ទាប់ពីរដ្ឋនេះ បានជួបជំនន់ទឹកភ្លៀង និង ខ្យល់ព្យុះខូចខាតអស់មួយផ្នែកធំទៅហើយ។
បើតាមការចុះផ្សាយរបស់សារព័ត៌មាន BBC គឺនៅទីក្រុង Houston និង Corpus បានជួបនូវមហន្តរាយទឹកជំនន់នឹងខ្យល់ព្យុះនេះ រួមមកហើយ ។
តាមអាជ្ញាធរបញ្ជាក់ថា ក្រុមជួយសង្គ្រោះនៅតែបន្តបំពេញការងារដោយជំនះខ្យល់ព្យុះខ្លាំង និង មានជំនន់ទឹកភ្លៀង ហើយក្រុមនេះបញ្ជាក់ថា ពួកគេបានរកឃើញសាកសពពីរនាក់ដោយសារព្យុះនិងជំនន់ទឹកភ្លៀងនេះ។ រូបភាពតាមវីឌីអូក៏បានបង្ហាញពីការខូចខាតទ្រព្យសម្បត្តិជាច្រើនកន្លែងដោយសារគ្រោះមហន្តរាយនេះ។
តាមរបាយការណ៍របស់ក្រុមហ៊ុនបានបញ្ជាក់ថា អតិថិជនប្រមាណ៣០០ ០០០នាក់ មិនមានអគ្គិសនីប្រើប្រាស់ ដោយសារហេតុការណ៍នេះ ខណៈមនុស្សជាច្រើនបានរត់ចេញពីផ្ទះរបស់ពួកគេ។
